143 hadome di HDP bgawed dı tıre yawme msiki b’Turkiya

U komisyon du huquq u da zedqe noşoye d’HDP huwle maqırhonutho cala cuqobe u cala msoke dhawın.

 Bi maqırhonutho dhiwo mawdıc, belhude bgawe da 2 yawme haroyani msik 143 farsufe. 

HDP mawdacla ba mdinotho d’Stanbul, Adana, Bursa, Kocaeli, Cıntap u mdinotho hrene a hayle di mşayunutho d’Turkiya msıklın zıd me 143 farsufe i sagiyuthathe claymutho. Beyn da farsufe d’msiki kito 2 sniğre.

Bi maqırhonutho kmitawmır, U tboco froso dkıtyo masro bi şultonutho, xıd kull naqla mahıtte ruhayye b’dıkthe da botaydino, mırlın la folitiqoye, ula hfite dmsiki marhıbone. U mahwanne nişo.

 Bi mawdıconutho dhiwo mu komisyon du huquq uda zedqe noşoye d’HDP kmitamır, du blok d’AKP-MHP bi zuctho dıkcayşi kımnasın d’tolalla bu msoko da folitiqoye d’HDP, da yolufe, gelyunore u hfite. A msoke da hadome du gabo d’HDP uda şutose demoqratoye latne lfuth du huquq.

U komisyon da zedqe noşoye d’HDP kmawdıc, i şultonutho wu şorikayda u nacimo ida kmıftakri bu hboso cala sniğre dıkurxi cali kinutho, cala yolufe, gelyunore u folitiqore kibın dtorın dımhalqina dawse laxalf, hınne gıdxusri. Bcayni zabno ktılbi, da hçomani dkıtne mqabıl di kinutho dmitaklın, wa hawronathe dımsiki dmitarfın.