Surto: Justin Kaladjian
09/05/2022

60 hadome du kongre Amerikoyo ko sundi dmitahwe yulfono calu Sayfo ba madrashyotho d’Amerika

Zayıd u mınyono da hadome di kongre d’Amerika, dıksundi i rmoyto du tewlifo dcalu qtolğenso dsımwo cala came Mşihoye ban 1915 ba madraşyotho d’Amerika. Lfuth i mawdconutho dfrısle u Komisyon Athronoyo dan Armınoye b’Amerika, 60 hadome di kongre m’ayade dmitahwe yulfono calu qtolğenso dsımwola i mamlaxtho da Cuthmanoye bu zabno du qrobo qamoyo dbritho.

09/05/2022

Dafo dan Armınoye matila u tebano mu Komisyon Athronoyo dan Armınoye b’Amerika u lfuth i mawdconuthathe, u mınyono da hadome di kongre d’Amerika dıksundi i rmoytathe dımqadmowa bu zabnano du duxrono da 107 du qtolğenso dsımwo calan Armınoye, mati l’60 hadome di kongre.

İ rmoytathe mqadmowa mi hadımto di kongre Carolyn Maloney dkıtyo mu gabo Demoqratoyo wu hadomo du gabo da Qutnuthoye Gus Bilirakis u snidowa heş bu 21 bu yarho d’Nison me 50 hadome di kongre.

Bi rmoytathe Maloney u Bilirakis, tlıbwolın butçe d’10 milyone dolare li betharke di kongre d’Amerika leşan zabno d’5 eşne dmibayın tahrazyotho du  yulfono la Amerikoye dcalu makthabzabno du qtolğenso dsımwola i mamlaxtho da Cuthmanoye calu camo Armınoyo ban 1915.

Bi rmoytathe mawdacwo, da tahrazyotho yulfonoye klozım dhobış bıgawaye u plan sistematik du qtolğenso, du mafqono udu tehriwo di mardutho du camo Armınoyo, Yawonoyo, Suryoyo Othuroyo Kaldoyo Marunoyo u dğer Mşihoye dımtaybiwo mi mamlaxtho da Cuthmanoye beyn da ışne 1915-1923.

Bi rmoyto dımqadmo mi hadımto di kongre d’Amerika Carolyn Maloney umu hadomo di kongre Gus Bilirakis, tlib butçe d’10 milyone dolare leşan u yulfono dcalu qtolğenso dan Armınoye ban 1915. Bi maqırhonutho di rmoytathe Maloney mırwola; En dlo yulfina mu makthabzabno, hkimoye’na dımkarır. Hathe’yo i celtho dkıtli şubhoro eba-dımqadamlan i rmoytathe leşan dmitahwe yulfono cala hawbe barbroye dsimiwo ban 1915.