7 milyare dinore Iraqoye husrono gawonoyo hawi ba hçome dsımlın ahaylawotho d’Turkiya calu Iraq

7 milyare dinore Iraqoye i kmoyutho du husrono gawonoyo dıhzelın a’qıryawotho du garbyo du Iraq, baynothaye qıryawotho du camaydan bi netiçe da hçome dsımle u gayso kaboşo dı Turkiya.

Camgabıdathe, hedor 23 alfo donıme darcotho di zaricutho mawqıdi u mahırwi mi  barbroyutho da hçome dıksaymolın Turkiya calu garbiyo du Iraq.

Mu siqumo d’23 bu yarho d’Nison dşaficina uhul ucdo, Turkiya ksaymo hçome oyaroye udi naşfe cala qıryawotho du Iraq dkıtne qariwe ma thumayda, bi dacwa du nfoqo mqabıl da mharbone di PKK.

Bi netiçe da hçomani hew husrono momunoyo rabo la mulkone ula narcotho da comure da qıryawotho, baynothaye ba casrowat qıryawotho du camaydan dmaxlın ucdo ma comuraththe.

Cali kmoyutho du husronano dhawi, u mdabrono di qastra d’Kane Mase bi hiğmonutho d’Nuhadra Sarbast Sabri, bi maqırhonutho dhule lu tboco froso mawdacle dmawqıd udmahru 22 alfo u 500 donıme d’arcotho di zaricutho bi netiçe da hçome oyaroye wa hçome dıkmisomi ba topat cala fenyotho du garbiyo du Iraq.

Sabri mawdacleste di kmoyutho du husrono momunoyo gawonoyo dıhzelın a’comure da fenyothani, mati ucdo l’zıd m’7 milyare dinore Iraq, u makadle ste du husrono momunoyo kzoyıd bu zabno dkımdawmi a’hçome Turkoye calu garbiyo du Iraq.