7 mu camaydan nqili ma hayani mi celtho du virus b’Fransa

U şabtono virus du kewo d’Corona, kımdawım dımathır cala bnaynoşo bı athrawotho mşahılfe dibritho, elo u tebo mahişono dkulle athilanyo me Fransa.

 Bu tebano magle, d’4 farsufe hrene man abne du cameydan mvayaclın ahayathe mu kewano wu kito heş farsufe sagiye, dtafilin u şabtano. Bu şıkılano, u mınyono danabne du camaydan b’Fransa dınqili ma haye mu kewano, mati l’7 farsufe.

 U şabtano di Corona dımbarbız bibritho, ğalabe athrawotho mıdlın tedbire casye dloloyım u camo, dlonofıq ma botayde leşan u kewano dlotofe l’ğalabe bnaynoşo. Me gabo hrene nafıq tebe dımqafe darmono lu şabtano elo bebzabno, heş kımdawım u kewano dhowe celtho lu mawto d’ba casrowat dıbnaynoşo.

Ha ma athrawothani dathilan tebo mahişono u athro d’Fransa’yo, dkıtlan mınyono celoyo d’camo dıkhoye bi erişkoyto Paris ubı mdinotho hrene du athro. Meqım me kımo yawme huwolan tebo, d’3 man abne du camaydan mvayacwolın a hayathe. Ucdoste matilan mawdconutho, d’4 farsufe hrene mu camaydan nqili ma haye mu virusano di Corona.

Camaniste, kito mınyono hreno dtafilın u kewano; beynothaye, kımo dkıtyo i aykanoyuthathe jıddi. Lfuth i mawdconutho dmatilan, a farsufe dımvayaclın a hayathe, lalcıl ma 70 işne’ne. Bi sbuthathe ulsoyoyo d’kulayna dmaydina qum di cayni a tedbire dıkmawdci aosawotho wa şultonwotho.