UNESCO mahıtle uqlimo d’Turcabdin bi listeyde di hiyoyutho marduthoyto

U Tukoso Emwothoyo d’UNESCO mahıtle u qlimo d’Turcabdin bi listeyde di hiyoyutho marduthoyto.

UNESCO mıdle tarte dukotho hathe li listade hdo mane dkıtne hın ma dayre u citotho d’Turcabdin  wi duktho hreto ste i mdito maktbzabnoyto d’Kemaliye dkıtyo b’Erzincan d’Turkiya.

Lfuth i mawdconutho dıfriso mu şutoso d’UNESCO mawzadle tarte dukotho hrene cali liste dkıtyo a dukotho maktbazabnoye di mardutho hdo mane a dayre u bınyono maktbzabnoe du cameydan dkıtne b’Turcabdin. Bu dumyano UNESCO mahatle a dayrani bi lista dkıtyo zabnoyto laşan bıthır dmibayni dukotho ruşmoye di mardutho dmihafıd aclaye u lı kowe dmigiş appe cal dkıtne yorutho marduthoyto du maktbzabno.

A citotho dınaqın li listathe hanine Mor Sobo, Yoldathaloho, i Dayro d’Kurkmo-i dayro du zacfaran, i dayro d’ Mor Gabriel, i Dayro d’mor Abay, i dayro d’Mor Locozır, i Dayro d’Mor yahkub, cito d’Mor Qurayaqus u Mor Czozyel ne.

A dayrani wa citothani dkıtne du cameydan u Suryoyo kıtlın maktabzabno catiqo u ba bınyone mşamhe dkıtlın kşowın dmitahti bi listan di mardutho maktabzabnoyto laşan dmınfıqlın moro dı fayşi cala rağle.

Mede dkıtyo idicos te u camo Suryoyo dıcbir mgalwe mu athreyde trele a dayre u citothani lruhaye wa şıltonwotho du athro kulnaqqaa sxırlın caynaye cala bınyone maktabzabnoyani mahwe shifi hın mane, elo bıthır mucdo klozım minfaqlın moro u mihatthi laşan dı fayşi cala rağle.