8 Odor mathkır b’athrawotho frişe dı britho
Spania: Bı Barcelona dı Spania, layım athmıl ba mo alfayo dıbnaynoşo u mathkarlın u yawmo Tibeloyo da Neşe Falıhyotho dı Britho. İ taglithathe simo, bu zabno da qoyume kdurşi u qonuno du cnufyo ğensoyo bı Spania. Ba tagliyotho dsimi bı mdinotho frişe dı Spania, a claymotho yolıfyothoste tcınlın lohyotho dkıtwo kthiwo aclaye; “i mıcne du feminizm ağunoyo, ahna bçasarana u kubcina dhowina hire”
Meksika: Bu athro d’Meksiko’ste, ban alfayo d’neşe kfıkhi athmıl li erışkoyto bi ithutho rabo da pwelıs du athro. Bi taglithatheste a neşe mawdace u hfukhyathe mqabıl da rdufye dkowın aclaye belhude cal dkıtne neşe bkul duktho da haye, howe ba şuğlone, ba madraşyotho aw ğer dukotho.
Urifi: Bğer tagliyotho dsimi bğer athrawotho d’Urifi’ste, grışlın a mtagliyone u zuhorathe calu cnufyo u cala rdufye ğensoye dkowe aclaye. Bi mdito dı Stanbul u ğer mdinotho, layimi athmıl a neşe leşan dtulbi a zedqathe u dhowe şawyutho beyn da ğense.
Suriya: A şutose da neşe Kurdoye b’Suriya, mtayablın taglitho bi arişkoyto Darımsuq u sim mamle calu mrodo dkobo i athto uba mdinotho hrene du garbay madınho du athro’ste, mathkır 8 Odor. Bu dumyano, şafıc u yawmano d’8 Odor’ste bu mrodo ubi klayto dmahwelın a neşe mqabıl di lo kinutho, di frişutho udu cnufyo dkowın aclaye bı britho u tlıbe a zedqathe.