82 şutose frişe da neşe b’Turkiya, frıslın maqırhonutho mşawtafto u m’akadlın u snodo la galwoye dkıtne bu athro
82 şutose u tukose frişe da neşe b’Turkiya, frıslın maqırhonutho mşawtafto lu tbocofroso u m’akadlın u snodo wi awyuthathe la galwoye dkıtne bu athro. Bi maqırhonuthathe a şutose u tukose da neşe grışlın u zuhoro cali frişutho ucali tuhmoyutho dıkzaydo mqabıl da galwoye b’Suriya.
Ba şabe haroyani, kowe ğalabe droşe b’Turkiya cali sbutho da galwoye dkıtne bu athro u dilonoyith bu tbocofroso kenşoyo, dıkgorış u zuhoro calu qento dıkmşakli a gabe galwoye mqabıl da neşe Turkoye. Walaw layto istatıstik dıkm’akıd da galwoye’ne dbu zyodo kımaşın rdufye cala neşe, hın ma gabe folitiqoye kımaşın propağanda leşan dımadcıri a galwoye lan athrawothathe.
Hol 700 neşe u 82 şutose u tukose frişe da neşe b’Turkiya frıslın maqırhonutho cali tuhmonoyutho dkito bu athro mqabıl da galwoye u mawdaclın u ğamathe cali aykanoyutho da galwoye u mırlın; İ awyutho da neşe, kışufco a thume. Ahna mqabıl dkull frişutho, tuhmonoyutho u ruğzo mqabıl da galwoye’na ucalathe, kımawdıcina u snodaydan elaye.
Bi maqırhonuthathe a neşe mırlın’ste; Lıkmaqbılina, dmitıstacmılo i athto xıd celtho mqabıl da galwoye-dhawın ale ba droşe folitiqoye dkowın b’Turkiya. Bu zabno du ruğzano mqabıl da galwoye kızoyıd, i mşalutho du qedomano’ste latyo idıcto d’manyo. İ golutho-zedqo noşoyo’yo wa galwoye dcayişi qrobe-lıkowe dmimodi li ido xıd bcelıdbobe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
