03/07/2021

Mahke cali lo qonunoyutho dıksaymo Turkiya mqabıl da Mharbone d’MFS

U mamlo du Mawtbo Folhoyo Suryoyo-MFS-u rabhaylawotho Aram Hanna mahkelem cali lo qonunoyutho dıksaymo Turkiya mqabıl da Mharbonathe dkıtne yasire bidothe d’Turkiya.

Bi tahrazto di Orucutho dsimowa athmıl b’Suroyo tv, u malolo d’MFS mırle; Ahna xıd Mawtbo kımahtina u hayleydan kule leşan dmarfena a Mharboneydan dkıtne yasire b’Turkiya.

Bi tahrazto d’athmıl b’Suroyotv, dkıtwo u malolo d’MFS rabhaylawotho Aram Hanna wu rişono zawgoyo du gabo du Huyodo Suryoyo Sanharib Barsaum mahkelın cali bişutho dıksaymo Turkiya wu nişo dkıtla dluhyo i Mdabronutho yothoyto du garbyo u madınho d’Suriya.

Bu mamlo dsımle u malolo d’MFS mırle; A Mharboneydan msiki yasire bu zabno da hçome dsımwola Turkiya cal Rişcayno u cala fenyotho du Xabur, bu zabno du Mawtbo Folhoyo Suryoyo frıswole a Mharbonayde cala thume di fnitho leşan u sutoro du Xabur-dkıtyo du cameydan u Othuroyo.

Bu maşıqlo du bethdino Hanna mırle; U bethdinano latyo qonunoyo u Turkiya latla zedqo dmawfqo Mharbone d’MFS lğer athro lqum du bethdino. Bebzabno i bişutho dsımla u d’mamdela warqe dkıtne bu leşeono Turkoyo ba Mahraboneydan dlo kudci u leşono Turkoyo, fawdo rabo u latyo qonunoyo.

Me gabo hreno u rişono zawgoyo du gabo d’GHS Sanharib Barsum mahkele cali hzayto bişto dıkmaşyo Turkiya mqabıl di Mdabronutho yothoyto da came u mawxa ste kmıstacmlo a darbone wa marıhbone dkıtla kulle, mqabıl da came du qlimo.

Barsoum bu mamleyde mırle; Mawdaclan la hayle dkıtlan esore acmaye leşan dmitarfın a Mharbone d’MFS. Barsoum, tlıble mu cameydan dsoyım hboso cal Turkiya dıkdayşo a qonune da zedqe noşoye u bebzabno Ankara lo belhude Mharbone kmısko elo mdinoye’ste inaqla dıkqudro.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…