29/01/2021

A Bozkırt ftıhe madraşto b’Nagorno Q arabax

U tukoso tuhmonoyo qaşyo d’Turkiya a Bozkurt, gıdfotıh madraşto la tloye bu qlimo d’Nagorno Qarabax dkıtyo b’Azerbaijan.

 Lfuth u tebo dıfrısle u Tukoso dıktocın Ğamo cala Mşihoye, u rişqutno Turkoyo u bar’amnayde d’Azerbaijan mıttafqi calu bnoyo di madraştathe da Bozkurt bi mdito d’Şuşa wu ramhıl, gıdmşar u bnoyayda.

 U tukoso Mşihoyo-The International Christian Concern (ICC) mawdacle, ramhıl 30 bu yarhano d’Konun u haroyo, gıdmihalqo i şetısto qamayto di madraşto da Turkoye tuhmonoye qaşye-da Bozkurt bi mdito d’Şuşa b’Nagorno Qarabax leşan u tewlifo da nacime cali Turkoyutho.

İ madraştathe du waqıf marduthoyo udu yulfono d’Ulku Ocaklari’yo dkıtyo u ışmo ruşmoyo da Dewe Qatmonoye-awkith a Bozkurt –dkıtyo bi lohitho Emwothoyo da tukose marhıbone. Wu tukoso Mşihoyo d’İCC’ste mcaqable u dawro rabo dhawile u tukosano da Bozkurt bu qtolcamo haroyo dhawi b’Qarabax

U tukoso mawdacle, du rişqutno Turkoyo Recep Tayyıb Erdoğan wu bar’amnayde İlham Aliyev mıttafqi dmıbnoyo i madraştathe da Bozkurt b’Qarabax wu rişono du gabo d’MHP’ste mawdacwole i sbuthathe bu parlamento bu knuşyo dsımwo 16 bu yarhano. İ madraştathe gıdhowela 9 qeloyotho/sedre u gıdmitahıt ışma Üzeyir Hajibeyli-dkıtyo cal ışme du farsufo dımnahele i sogitho athronoyto d’Azerbaijan.

İmdito d’Şuşa bi morutho dan Armınoye’wa, hol d’Azerbaijan bu snodo d’Turkiya kbışwolın a mdinotho dan Armınoye bu qrobo haroyo d’Qarabax ubu şıkılano, kubco Azerbaijan u Turkiya, dsaymi şuhlofo demoğrafoyo bu qlimo wu futoho di madraştathe da Bozkurt, kıromız cal plan dkıtte dmarkıwi u ideolojathe u qaşyo bu qlimano’yo.

Bu qrobo haroyo dhawi b’Qarabax’ste, qtılwo ba mowat dfolhe Armınoye u mınyono hreno, msikiwo yasire. Bıthır mu qyomo dsımwola Rusya i mescoyuthayde, bıdewola Azerbaijan u Armenia dmadcıri a hbişoyathe. Adyawma mawdıc’ste, d’5 folhe Armınoye hrene madcıri l’Armenia u nqili la bethkrihe leşan dmicaqıb u hulmonathe.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…