A comure d’Şigor sımlın protesto a taxtuşe haroye beyn du gayso Cıraqoy uda hayle Ezidoye
A comure d’Şigor sımlın protesto a taxtuşe haroye beyn du gayso Cıraqoy uda hayle Ezidoye, dhawın celtho dhurwo i mşaynutho di fnitho. Bi taglithathe a hadire mawdaclın, du camo mdinoyo’yo dıkmi’athır u dıkoxil i dharbo rabtho ma taxtuşani dhawın.
A Ezidoye dıkhoyın b’Şigor bu garbyo du Cıraq, sımlın athmıl taglitho bi fnitho u mawdaclın ilo thnihuthathe mqabıl da taxtuşe dhawın beyn du gayso Cıraqoyo uda Haylawotho du Sutoro du camo-YBŞ uba slogane dmazcaqe mırlın; Basyo lu mawto, E l’şroyo mşayno.
Bi taglithathe dsimo b’Sinune bu garbyo d’Şigor, a Ezidoye lo trelın du gayso Cıraqoyo dcobır li fnitho u tlıblın ma hayle di YBŞ dnufqi ma dukotho da mdinoye. A mtagliyone mawdaclın’ste dgımdawmi u protestathe hol dmimıd fusqono qriho bi sbuthathe.
Lfuth a mtagliyone, bu zabno di m’watyutho uda taxtuşani dkowın bi fnitho, u camo mdinoyo’yo dkowe dıbho u dıkmıjbır dmahzım ma dukothayde. Lfuth u hiğmono d’Nuhadra, hol 1700 yaqrotho me Şigor mgalwewolın l’Nuhadra
U gayso Cıraqoyo mnasewole bi harayto du yarho d’şafıcina dmafıt nuqazyotho di YBŞ b’Şigor lu duyoqayde ubi netiçe nafıqwo taxtuşe beynothaye. Bıthır 2 bu yarhano’ste, naqla hreto nafıqwo taxtuşe beyn du gayso Cıraqoyo u d’YBŞ-dhuwole mrodo mqabıl d’Dacış ba 2014.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
