A Ezidoye rfıde u tecmiro di maşritho da marıhbone dmitacmıro bi hiğmonutho d’Ninwe

U qaymaqam di qastra d’Sinune Xudeda Coke rfıdle u tecmiro di maşritho da marıhbone dkıbco i şıltonutho du Iraq dı macımrola bi hiğmonutho d’Ninwe.

 Coke bi maqırhonutho dhule sımle qrayto li şıltonutho d’Boğdod u du qlimo d’Kurdistan du Iraq dmarfın femo ma siyasat dıkmıstacmıli a Ezidoye lı manfaca druhaye.

 İ şultonutho du Iraq fsıqwola dmacımro maşritho la marhıbone ula yaqrothathe dkıtne ba maşıryotho du garbyo udu madınho d’Suriya, u dmarkıwola bi qastra d’Zummer dkıtyo bi hiğmonutho d’Ninwe bu garbyo du Iraq. A came wa rişone qlimoye mahwewolın hfuxyo mqabıl du tecmiro di maşrithathe dkiba dhuwyo qento la comure di fnitho.

Bhaq di sbuthathe, ucdo u qaymaqam di qastra d’Sinune dkıtyo bi fnitho d’Şigur hule maqırhonutho dkıtne mqabıl du tecmiro di maşrithathe dkıbco i şultonutho macımrola. Bi maqırhonuthayde u qaymaqam Xudeda mırle; A rişono di fnitho d’Ninwe mqadamwolın renyo, dmitacımro i mşarithathe b’Anbar, Tikrit, aw Diyala ulo bi hiğmonutho d’Ninwe.

Xudeda sımle qrayto li şultonutho Iraqoyto udu qlimo u mırle; Trayu ma siyasat dıkmıstacmılitu a Ezidoye lu yuthrono d’ruhayxu. Mcal fothe da siyasatani kowe qtolğense, kull fusqono dıkmimıd-u kenşeydan da Ezidoye’yo dıkmi’athır ulo hatu. Bu şıkılano a Ezidoyeste mahwelın u hfuxyathe cama came di hiğmonutho d’Ninwe dlıkmaqbıli u terkiwo di maşrithathe dla yaqrotho da marhıbone dgımınqoli me Suriya lu garbyo du Cıraq.