09/06/2021

A gabe kurdoye du garbay madınho d’Suriya krıhlın ahçome dıksaymolın Turkiya cala mdinotho du garbiyo du Iraq

A’gabe kurdoye du garbay madınho d’Suriya, krıhlın a’hçome dıksaymolın Turkiya cala fenyotho du garbiyo du Iraq, udkowın celtho l’taxtuşe gawoye dıkmisom bayn da hayle Kurdoye.

Bu buyono dıfrıslın a’gabe Kurdoye du garbay madınho d’Suriya, sımlın qroyto la gabe Kurdistanoye du garbiyo du Iraq dyıtwi la droşe du diyalog, udmahti a’qetre dkito cal xasra, bnişo dımhaydi a’fulhonaththe u dmınfıq camıhdode mqabıl du qento dkito bu maşıqlano ducdo.

 Agabe folitiqoye da Kurdoye du garbay madınho d’Suriya, frıslın buyono mşawtfo lu ray gawonoyo dıbritho cali sbutho da hçome dıksaymolın Turkiya calu garbiyo du Iraq. Bu buyonaththe, a’gabe Kurdoye mawdaclın di siyase mothonoyto dı Turkiya kımdawmo dmankıro a’zedqe umthoye du camo Kurdoyo, ubebzabno u gabo d’AKP hawile cyodo ba nışne haroyani dımthabıt i şultonuthayde bu darbo du xloqo d’qrobe ba n’athrawotho qlimoye, elo u qrobo asasi dı Turkiya bu maşıqlano ducdo dnıfqo mqabıl di ithutho umthoyto da Kurdoye ham b’Turkiya u ham bu garbiyo du Iraq u hamıste bu garbay madınho d’Suriya.

U buyono mawdacleste dı Turkiya cal dlıqadiro dmatimo u qrobo cala Kurdoye bu darbo folhoyo, fayış kımnasyo bu darbo di fıtne dmadcıfo u bayto Kurdoyo m’lawğıl, u mawxaste ba yawme haroyani sımwola hçome cala haylawotho di Peşmarga, u thımwola a’mharbone di PKK bi mşalutho du qatlaththe. U buyono dmaglele dı Turkiya abico bu qatlo di Peşmarga dmaqitho u ftilo du qrobo bayn da n’ahunone, sımle ste qroyto lu gabo Demoqratoyto d’Kurdistan di KDP dlışoyır laf qrobo gawoyo dgımvayci ebe a’Kurdoye a’yuthrone dqayıthlın. Bebzabno, u buyono sımle qroyto la hayle ula gabe folitiqoye du qlimo d’Kurdistan du Iraq, dmaydi cal ruhaye i mşalutho u dşıfci b’surhobo li harake, bnişo dmitaklın ahçome dıksaymolın Turkiya calu garbiyo du Iraq.

Camgabıdathe, a’gabe kurdoye du garbay madınho d’Suriya sımlın qroyto la gabe Kurdistanoye kulle dyıtwi l’duroşe du diyalog dcamıhdode, dmahti a’qetre dkito baynothaye cal xasra, udımhaydi a’fulhonaththe bnişo dmınfıq mqabıl du qento rabo dkito bu maşıqlano ducdo dıkmihadıdo ebe i ithtutho umthoyto da Kurdoye.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…