18/06/2020

A gabe Kurdoye mhayadlın ruhaye b’Suriya

Bıthır ma droşe uma knuşye dhawın beyn da gabe Kurdoye dkıtne b’Suriya bi mıscoyutho d’Amerika, mıttafaqlın bu cwodo dcam hıdode.

 Bıthır mi maqırhonutho dsimo calu ittifaq da Kurdoye, frisi a egrotho da tahınyotho dıkımşarın me Amerika ula hayle hrene.

 Hani zabno kowe knuşye u droşe bayn da gabe Kurdoye dkıtne b’Suriya bi mtaybonutho du mathlono d’Amerika Wilyam Robak laşan dmihaydi bu fulhono dcam hıdode. Athmıl bu buyono mşawtıfo dıfrıslın a gabe Kurdoye d’Suriya mawdaclın dmıtafaqlın calu darbo du fulhono dcam hıdode.

Me gabo hreno Amerikaste mawdacla ifsihutheyda dıbhaq di awyuthatho da Kurdoye u mqadamla tahınyotho bu rişo qamoyo lu rişono gawonoyo da haylawotho d’Suriya Demoqaratoyto Mazlum Abde dkıtwe hadiro ba knuşye, u lu rişono du Qlimo d’Kurdistan Nejirvan Barzani u la hayle hrene kule dhawın sanode bi sbuthathe.

İ awyutho da gabe da Kurdoye dhawyo a gabe kule gıdcawdi cam hıdode Folitiqoyith folhoyith u knuşyoyith laşan dmihaqiqi a zedqe da came d’Suriya.

İ sbuthathe athyo lu hwoyo ba yawmotho d’Amerika mahıtla u qonuno d’Qaysar dkıtyo u nişeyde dımfalış u rejim d’Suriya laşan dhowe droşe du şlomo bu athro.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…