A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du camo Suryoyo Othuroyo.

A fulhonani di mawdyonutho simi mu taraf du tukoso Suryoye gawonoye d’Bethnahrin.

Bi maqırhonuthathe dıfriso dıg mitahke calu Sayfo u wa fulhone bişe dkımdawmi mi şıltonutho d’Turkiya calu camo Suryoyo krayzi a zedqe dkıtle u camo Suryoyo bu athro d’Turkiya.

Bayn da nuqtotho dıgtılbi me Turkiya dsaymolın bi qamayto dmawdyo bu Sayfo u bıthır dı maqıblı u dmawdyo bi hiyoyutho du camo Suryoyo wa came hrene.

U mnoco dkito calu leşono Suryoyo dmitaqım, u be bzabno u leşonoano dmitawlıf ruşmoyith, u dmitahwe hiruthgo di mardutho, u ditawditho mşihayto la mşihoe dıkhoyın bu athro.

Bi maqırhonuthathe  a gabe u tukose Semoloye baynothemwothoye d’Afrika d’Asya Amerika i latinoyto Australya Urifi u Amerika dmawdelın bu Sayfo kımtalbi di şıltonutho d’Turkiya madıcro a mulkone wa dayre u citotho dımşahılfila l’masığde u ğeyr.

A fulhonani simi calu darbo du tukoso da Suryoye Gawonoye d’Bethnahrin , be bzabno rızlın a ışmone ad gabe u tukose dmawdelın bu Sayfo du camo Suryoyo.