A Haylawotho d’Suriya Demoqratoyto cama hayle du koalisyon Emwothoyo msıklın marhıbono d’Dacış b’Tel Koçer

TEL KOÇER, Garbay Madınho d’Suriya — Lfuth i maqırhonutho ruşmoyto dfriso ma hayle d’QASAD mawdıc, d’22 bu yarho dşafıcina, sim cuqobe folhoye mşawtıfe camu koalisyon Emwothoyo cala krılyotho d’Dacış hedor u kanton di Gozarto bu garbay madınho d’Suriya. Bu cuqobano dsim bıthır zabno d’tehqobo du zawco da marhıbone d’Dacış, msik marhıbonano b’Tel Koçer Waddah Marwan Taysan.

QASAD mawdacle’ste du marhıbono bıthır ma buqore dsimi acme mawdele dkıtwe hfito ba fulhone di propağanda udu tbocofroso du tukoso marhıbono leşan u şeçoco di claymutho dmaydo u ideoloji qaşyo du tukoso. Elo b’Deyr Ezzor, hçımla krılto d’Dacış cal konvoy da hayle di mşaynutho bu madınho du kanton d’Deyr Ezzor.

Bu hçomano a hayle di mşaynutho lo hzelın husrono elo mawdaclın, da hçomani d’Dacış bu qlimo kull dkothe kızaydi. Barboyo bıthır mu hçomo marhıbono, a hayle di mşaynutho sımlın cuqobo cali duktho kula leşan dım’amni i mşaynuthayda u huwlın şudoyo, dgımdawmi u ağonathe leşan u qşoco du tukoso marhıbono.

Me gabo hreno, tayosto dlo pilot sımla athmıl hçomo cal darıxto du motor qariwo li mdito d’al Dana bu garbyo di hiğmonutho d’İdlıb. İ tayostathe dkıtwe du koalisyon Emwothoyo, mıdwola nişo i darıxto du motoro dkıtwo acla 2 marhıbone d’Dacış. Ba zabne haroyani’ste, kımdawmi a tadbiqate folhoye beyn da hayle du koalisyon Emwothoyo uda Mharbone d’QASAD bu garbay madınho d’Suriya.

On May 22, our SDF and Coalition forces conducted a joint security operation in Tal Kocher. The operation resulted in capturing an ISIS terrorist named Waddah Marwan Taisan, aka “Al-Awdah” who was involved in online propaganda & recruitment via Telegram.
Our SDF remains committed… pic.twitter.com/i1rf7TUNtB

— Syrian Democratic Forces (@SDF_Syria) June 11, 2025