A Haylawotho d’Suriya Demoqratoyto, maklelın u tuyobo d’tre hçome marhıbone-ha bi Hasake u hreno’ste b’Dayro Zcuro (Deyr Ezzor)

DAYRO ZCURO (DEYR EZZOR), Suriya – U qentrun du tbocofroso da Haylawotho d’Suriya Demoqratoyto frıslın athmıl maqırhonutho lu tbocofroso cali netiçe da cuqobe dsımlın wu aydarbo a krılyotho d’Dacış, mnaselın dsaymi hçome aclaye b’dukotho frişe du garbay madınho d’Suriya-xıd i Hasake u Deyr Ezzor.

Bi maqırhonuthathe QASAD mawdacle, dmahıtte athmıl ido cal radoyto dhawilın keşlo acla bi mdito d’Markada bu taymno di Hasake. Bıthır mıd a Mharbone qarixi i radoyto, mqafelın mınyono celoyo d’zayne u jarjure malye buğre. Bu zabno du cuqobano’ste 2 farsufe msalhe cal radoyto du motor, mhelın bu zaynathe u automat bi nuqazto du duyoqo d’QASAD.

A Mharbone dbaroyo mfanelın u mhoyano, jbırle a 2 marhıbone dmahzımi mi duktho. Bu hçomano hiw belhude husrono li nuqazto d’QASAD u noşo’ste lo mçarıh. Me gabo hreno b’Deyr Ezzor’ste hçımla krılto d’Dacış cala hayle d’QASAD b’Suwayda elo bu funoyo dhiw, çbiro a marhıbone dmahzmi mi duktho.

A hayle d’QASAD hani zabno kıgurşi u zuhoro du kenşo Emwothoyo cala hçomani d’Dacış zayidi b’Suriya u yawme d’Tre dşafıcina’ste mawdacwolın a Mharbone, dmaklelın u tuyobo dhçomo hreno marhıbono bu madınho d’Suriya ubi netiçe nafıl Mharbono d’QASAD Sohdo u hreno mçarahwo.