A hayle d’QASAD msıklın krilto d’Dacış b’Tabqa
Ba cuqobe ubu mrodo dkobın a Haylawotho d’Suriya Demoqratoyto b’dukotho frişe du garbay madınho d’Suriya, kımqafın a krılyotho d’Dacış dıkmtaybi ruhaye dsaymi hçome cala came ucala hayle d’QASAD bu qlimo. Bu kanton d’Tabqa, msıklın a hayle d’QASAD tre marhıbone d’Dacış dkıtwın yalife bu syomo da foqucotho udu snoco da zayne.
GARBAY MADINHO d’SURIYA – Bi mawdconutho dfrıslın a Haylawotho d’Suriya Demoqratoyto mawdaclın, da hayle dilonoye d’QASAD mtayablın cuqobo mşawtıfo cama hayle du koalisyon Emwothoyo bi mdito d’Mansoura bu macırbo di mdito d’Raqqa u msıklın krılto d’Dacış. U cuqobano’ste sim bıthır tehqobo casyo du zawco da marhıbonani dkıtne mi mdito d’Mansoura.
QASAD mırle; A 2 marhıbone ahunone, fulhiwo camhıdode u udciwo towo aydarbo gıdxulqi foqucotho uğer mluwe du furqoco u sunciwo zayne mşahlıfe. Hathe kımadilo’ste, da cuqobe d’QASAD laybın dkolın u klozım dımdawmi mqabıl da krılyothani d’Dacış dıkmşakli gzomo u qento rabo lu qlimo kule.
Me gabo hreno u koalisyon Emwothoyo dkıtyo bi rişonutho d’Amerika mawdacle, dqtilın 2 marhıbone d’Dacış bu qlimo d’Deyr Ezzor. Lfuth u koalisyon Emwothoyo u cuqobano dsımlın a folhayde camu gayso d’Suriya Hırto b’Badica bu macırbo d’Deyr Ezzor, msıklın a 2 mşale d’Dacış. İ dukthathe dkıtyo bu duyoqo da hayle d’Darımsuq, mahıt’ste ido cal kmoyutho rabtho d’zayne.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
