01/08/2020

A İmarat Caraboye mabdele fulhone laşan u macımlo du nukleer

A İmarat Caraboye Mhayde, mabdele a fulhonayde du macımlo qamoyo du nukleer dkıtyo bi arişkoyto Abu Dhabi.

 U macımlano du nukleer da İmarat Caraboye Mhayde, kmifaşıq u macımlo qamoyo du nukleer beyn dan athrawotho Caraboye.

U ajans da tebe da İmarat m’akadle, da İmarat Caraboye Mhayde mabdele adyawma a fulhone du macımlayde du nukleer. U macımlano du nukleer d’Barakah dkıtyo b’al Dhafrah b’Abu Dhabi, hawi u macımlo qamoyo beyn du cılmo Caraboyo dıbritho.

U nişo da fulhonaniste, u snoco d’kahrobo nadifo dgımakfe lu athro kule l’zabno d’60 eşneyo. U Şex Mohammed bin Raşid al Maktoum mırle; Adyawma kımawdıcina u şuşoto dsımle u athraydan bu macımlo qamoyo du snoco du enerji nukleer bi britho Caraboyto dkıtyo leşan yuthrone mşayne.

U mşalo du macımlano Mohamed Al Hamadi mawdacle, da İmarat Caraboye Mhayde, hawi u athro qamoyo bu qlimo Caraboyo u bebzabno u athro da 32 bı britho dkıtle macımlo du enerji nukleer leşan yuthrone mşayne bu haqlo du snoco du kahrobo.

Inaqla du macımlano dımşare dfolıh kamiloyith, gıdsonıc 5.6 gigawatt d’kahrobo u gıdmakle u tewfiqo d’21 tonat d’samo du karbon kull şato. Bebzabno u macımlano, gıdxolıqste ban alfayo d’şuğlone hathe.