23/04/2022

A Mşihoye Orthoduksoye b’Antakia layimi ba citotho bu yawmo di sqifutho

A Mşihoye dkıtne bi fnitho d’Antakia d’Turkiya, bi şabthathe mlelın a citotho ba yawmothani di şabtho du haşo. Lfuth i mawdconutho dmıdlan mu platform d’Nehna b’Antakia u hedora, kito 8 alfo Mşihoye dımcayadlın u haşo wu cedo di qyamto d’Moran Yeşuc Mşiho bi şabthathe.

23/04/2022

ANTAKIA, Turkiya – Bi şabthathe dkıtyo i şabtho du haşo lfuth u tekso da citotho Orthoduksoyutho, a Mşihoye dkıtne b’Antakia sımlın zuyohe da yawmothani-da uşacne holu cedo di qyamto dkıtyo ramhıl yawme d’Huşabo.

Ba citotho di fnitho d’Antakia dıkmote u mınyonathe l’şwac çamacat, yawme d’Huşabo abohe u emotho cama nacimathe dkıtwo bi idothaye sawke da zaytune cam Slibe, latimiwo la citotho leşan du zuyoho da Oşacne.

Be bzabno athmıl dkıtwe yawme d’Cruto di sqifutho d’Mşiho, a Mşihoye layimi ba citotho leşan dmahwın u haşathe cal d’sliw Mşiho me darbaye wu hawxa mıdlın u nahşo dkıtyo u remzo du qawro d’Mşiho u makraxlın beyn du camo dkıtwe hadiro.

Lfuth i mawdconutho dmıdlan mu Platforn d’Nehna, u mınyono da Mşihoye dkito b’Smandağ kımote 1300 nafşotho cama mşihoye dıkhoyın b’Hatay u Mersin kımote u mınyonathe l’8 alfo. A Mşihoyani kmişakli me 7 çamacat u hani kımcaydi u tekso di cito lfuth i cito Suryoyto Orthoduksoyto, mawxa ste bi şabthathe du haşo hınne’ste sımlın u haşo u ramhıl gıdmcaydi ucedo di qyamto d’Mşiho.