21/03/2021

A neşe b’Lebnon sımlın tagliyotho mqabıl di aykanoyutho harıwto du athro

A neşe dkıtne more d’yaqrotho b’Lebnon, sımlın taglitho b’Beyrut mqabıl di aykanoyutho harıwto du athro.

 Bi taglithathe dsimo athmıl bu yawmo da emotho, a neşe thımlın a mşale du athro u mırlın; Gnıwxun a zuzaydan wu dactith da nacimaydan!!.

Athmıl dkıtwe 20 bu yarho wu yawmo da emotho-lfuth an athrawotho Caraboye, mtayablın a emotho taglitho bi arişkoyto d’Lebnon Beyrut u mahwelın u hfuxyathe lu sedro celoyo du athro uli aykanoyutho harıwto du momuno d’Lebnon.

Hın ma neşe dmıştawtaflın li taglithathe cama nacimathe, thımlın a mşale du athro bu furqoco dhawiwo bu lmino d’Beyrut bu yarho d’Ob d’ışqad u mırlın la folitiqore, dmalizi calu şekolo di şultonutho hathto du athro, bnişo dmicadlo i aykanoyutho du athro.

Ba slogane dmazcaqqe an emotho la folitiqore Lebnonye dıkhayri belhude lu yuthronathe mırlın’ste; Gnıwxun a zuzaydan wu dactith da nacimaydan. U duşno rabo dkıbxu dobitulan ucdo, dmıstacfetu ma wolyothathxu’yo. Mcal fothe di aykanoyutho du momuno du athro, hol 55 ba mo du camo Lebnonoyo, kıcoyış xıd faqiro.

Check Also

Adam Schiff tlıble me Biden dmawde bu qtolğenso da 1915

B’egartho ftıhto dımşadarle u hadomo di kongre d’Amerika dkıtyo mu gabo da Demoqratoye mi …