A neşe late dowro bu haqlo du tboco froso

A neşe bı britho lo qıdri dmaydi duktho bu haqlo du tboco froso.

 Lfuth du buhono dsim mu vakıf d’Bill u Melinda Gates, i hzayto di athto bu tboco froso dı britho ğalabe dacifyo.

U taşroro dkito bgawe anistatistike du tboco froso emwothoyo ba 10 ışne haroye a tebe dı frisi ba şutose du tboco froso, u mınyono da neşe gelyunore, u tathir dkıtte bu fusqono du syomo da tebe, mawfaqle li holo netijat dıkgırşo u zuhoro.

Kmitawdıc, a wolyotho dkıte yuqro ba qentronwotho da tebe bi sagiyutho gawre kito. Bi sbutho da tebe da neşeste u fusqono bi sagiyutho bidıd da gawreyo. A yadıcthone dıkmitahwelın duktho ba tebe 80% ma gawrene. U taşroro kmawdıc, a şutose du tboco froso latte i hzayto u renyo wu perspektif 50% du mınyono dı britho.

Bu taşroro dsim u nuholo dı 12 alfo frose u 56 mılyune dı tebe mıte lınetije, a sıbwotho da neşe wa neşe gelyunore kfayşi bu taro du kenşo u da haye, elo ba sıbwotho siyasi u qolo di athto lıknofıq.

Kmitawdıcste, a neşe gelyunore, kfılhi bu ceqobo da tebe du yulfono, du mahduro, du quyomo. La neşe dkıtne gelyunore noquso kmitahwelın buhone, sıbwotho du momuno u di siyase.

Bi sbutho di siyase 7 ma 8 sahme dkıtne yadıcthone dıkmaydi duktho bu tboco froso gawrene. Bi sbutho du momunoste i aykanoyutho heş axrabyo. A gawre yadıcthone dıkmitahwelın duktho bu tboco froso 30 qene zıd ma neşene.