A rişone folhoye d’MFS kıtlın zıctho dhowe şalqa d’golutho hathto du camaydan mfothıd da hçome d’Turkiya dıkseymo calu Xabur u cal Tel Tamır

A’şutose du tboco froso Mşihoyo u tibeloyo, kımdawmi dımşalti bahro calu ağuno dkobele u Mawtbo Folhoyo Suryoyo d’MFS laşan u sutoro da Mşihoye wu nfoqo du moro la mulkonaththe bu garbay madınho d’Suriya.

İ dafo Mşihoyto d’Linga.Org, bu tebo dıfrısla grışlaste u zuhoro cali zuctho dkıtlın a’rişone folhoye d’MFS dmabdiyo şalqa d’golutho hathto du camaydan mfothıd da hçome barbroye dıksaymolın Turkiya wa çatawiyayda cala qıryawotho du Xabur udi fnitho dı Tel Tamır.

“A’Mşihoye latne thnihoye ma hçome Turkoye dıkmisomi calu garbay madınho d’Suriya”, ba melani frısla i dafo Mşihoyto d’Linga.Org tebo calu tathir dıktorın a’hçome dı Turkiya calu camaydan di Gozarto, u grışla ste u zuhoro calu ağuno dkobele u Mawtbo Folhoyo Suryoyo d’MFS laşan u sutoro du camaydan di fnitho.

İ dafo Mşihoyto mawdacla du gayso Turkoyo wa çatawiyayde kıkıbşi mu yarho dı Tışrın u Qadmoyo di şato da 2019, falqo ma n’arcotho du garbay madınho d’Suriya, u maglela cali zuctho dkıtlın a’rişone folhoye Suryoye mi mwatyutho da hçome Turkoye dıkmisomi cali fnitho, u mırla “a’rişone Mşihoye kmawdıci di mwatyutho folhoyto harayto çbırla ğalabe Mşihoye u farsufe ma qalilwotho hrene dıtorın a’botaththe”.

Linga.Org dıgrışla u zuhoro cala hçome dıksaymolın Turkiya cala qıryawotho Mşihoye du Xabur, mawdacla ste du malolo du Mawtbo Folhoyo Suryoyo d’MFS Matay Hanna komır “u hçomo Turkoyo haroyo shıfle tarte madraşyotho, benyono di karxutho, farmo u xtuto du kahrobo bi fnitho dı Tel Tamır”. İ dafo Mşihoyto maglela ste du malolo d’MFS mırle lu frosqole d’Vois Of the Amerika “a’hçome Turkoye kdayşi u qonuno emwothoyo dıkmonıc u benyono tahtoyo mdinoyo dmimıd nişo li ido”.

U malolo d’MFS Matay Hanna bu huthomo di maqırhonutho dhule li dafo d’Linga.Org, makadle da mharbone du mawtbo hadirene d’obın funoyo lkul şıkıl d’hçome rabe dıkmıntır dsaymolın Turkiya wa çatawiyayda cala fenyotho du garbay madınho d’Suriya.