A statıstike dıfrısla Awrasya mahwela i netije dcala guboye d’Turkiya

Adyawma i şırke da statıstike d’Awrasya, frısla i netije haroyto dcali hzayto dkıte abnaymothoye d’Turkiya, u layna gabo gıdobanwo u qolathe en dhowewo ucdo ğuboye.

 Lfuth i netijathe dıfrısla i şırkathe kmahwe, du ittifaq d’Erdoğan lıgqathwole qole makıfyone leşan dımşakıl şultonutho, wa gabe di saqıbloyutho klozım dımhaydri ruhaye dımdabri u athro.

Bu buhono hatho dsim cala istatıstike da ğuboye d’Turkiya, kmahwın du gabo d’Erdoğan bıthır mu şuhlofo d’Ayasofya l’masığdoste, kımvayıc qole. İ mawdconuthathe di şırke d’Awrasya’yo lfuth astatıstike dsımla.

Lfuth u statıstikano, a gabe saqıbloye di şultonutho kmaydi bu zyudo da qole mawxaste hınne kibın dımşakli şultonutho b’Turkiya en dhowe ğuboye u dnufqo i netije da statıstike dıfrisi ucdo. Bu şuwolo dımşayıl en kıbcıt d’Erdoğan dhowe rişqutno 38 foruşo 9 ba mo mırlın E u 46 foruşo 8 mırlın lo.

I şırke mşayelaste en u şuhlofo d’Ayasofya l’masığdo mşahlafle i hzayto folitiqoyto dkıtlux cala gabe, 99 ba mo mırlın lo. Bu istatıstikano mahweleste da qetre rabe du athro u şwolo du momunoyo, di batilutho da şuğloneyo, u lo isbutho di kinutho dkito, u şwolo da Kurdoye u bıthır u yulfono u sebwotho hrene.

Bu şuwolo en dhowe adyawma ğuboye a qolathxun lıman gıdobıtıne, hawxa netije nafıqo; u gabo d’APK mıdle 35 foruşo 1 ma qole, u gabo d’CHP 28, İyi parti 12 foruşo 1, HDP 12, MHP 7 foruşo 1, Dewa dkıtyo u gabo d’Bababcan 3, wu gabo Dactid d’Ahmet Davutoğlu 2 foruşo 3 ma qole.

Bu şıkılano u gabo d’AKP wi MHP camhıdode kowın 42 foruşo 2 ma qole wa gabe hrene kowın 48 ba mo ma qole. Mawxa a gabe saqıbloyene dkibın dımşatsi şultonutho lfuth u statıstikani dıfris, bıthır mu şuhlofo d’Ayasofia l’masığdo kmahwe i siyasatheste lu yuthrono di şultonutho dkıtyo bi rişonutho du rişqutno Erdoğan.