A şuşote Haroye cali xasra d’İdlib

A’osye di mditho d’Albab bu garbiyo d’Suriya, sımlın taglitho du protesto mqabıl di aykanoyutho haruto di mşaynutho, u tlıblın dmitaklın adyoşe dıksaymilın ajatawiye dı Turkiya bıhaq da mdinoye.

 Megabo hreno, a haylawotho kaboşe dı Turkiya sımlın hjomo cal kamyon di tagorutho bu darbo emwothoyo d’M4, ube bzabno Anqara mşadarla konvoy folhoyo hatho li fnitho d’İdlıb.

 Adyoşe dıksaymilın agrube jatawiye dı Turkiya kımdawmi bıhaq da mdinoye dıkhoyın ba fenyotho kbişe bu garbiyo d’Suriya. Mawxaste acomure fayış kmahwın ruğzo u cajaze mu qedomo bişo da jatawiye.

Grub ma osye di mditho d’Albab udu mawtbo gawoyo di mditho bu garbiyo d’Suriya, sımlın taklitho du protesto mqabıl di aykanoyutho haruto di mşaynutho. Lfuth i mşatasto d’Suriya da zedqe noşoye, ha ma jatawiye marısle buğre cal hıdo hamşira dıkfılho b’gawıd di bethkrihe d’Alfarabi, callathe i mdabronutho di bethkrihe krıhlın u hçomano dsim u fsıqla dmakılyo u fulhono latre yawme xıd protesto mqabıl du qedomo da jatawiye.

Megabo hreno, i şultonutho kabışto d’Anqara dkımdawmo adyoşayda ba narcotho d’Suriya, sımla hjomo cal kamyon di tagorutho dkıtwe azolo calu darbo emwothoyo d’M4 dıkmasır i mditho di Hasake cami mditho d’Hlob. Ubi netije du hjomano yaqıd u kamyon u mjarıh menyono d’farsufe.

U darbo emwothoyo d’M4 sim u futohayde ba zabne haroyani laşan amdinoye ulu zawco di tagorutho bu garanti dhuwola Rusya.

Aşuşotani athın luhwoyo bu zabno dkımdawmo Turkiya dmaqwiyo u haylayda bi fnitho d’İdlıb bu garbay macırbo d’Suriya. Bi maqırhonutho dhula i mşatasto d’Suriya da zedqe noşoye, mawdacla d’konvoy folhoyo Turkoyo hatho şafıc mi nuqazto du thumo d’Kafarlusin li fnitho d’İdlıb b’Suriya. İ konvoy Turkoyo kmişakalwo me 20 radoyotho dmaftelın fothaye lafa nuqazyotho folhoye dkıtla Turkiya bi fnitho d’İdlıb.

Mu zabno di şalyuthzayno hathto dımbaynowa m’Rusya um’Turkiya hamşo bu yarho d’Othır dşaficina uhul ucdo, ba olufe d’folhe Turkoye u 4360 radoyotho şafici li fnitho d’İdlıb. Ubu şıklano u menyono da radoyotho folhoye uda kamyone dımşadrila Turkiya l’İdlıb mu tarho d’Şbot dşaficina uhul ucdo mati 7695.