Slibo Suryoyo Holob
10/02/2023

A şutose di mcadronutho du camaydan b’Suriya’ste azzın l’Holob u mfaraqlın mcadronutho noşoyto lu camo sniqoyo

Me gabo hreno, a şutose di mcadronutho du camaydan b’Suriya’ste azzın l’Holob u mfaraqlın mcadronutho noşoyto lu camo sniqoyo. A şutose du camaydan, karixi a zabuqone di mdito u mnaselın dmotın lkull ha dkıtwole sniqutho l’mcadronutho noşoyto.

10/02/2023

A şutose du camaydan du Slibo Suryoyo, u şutoso d’Şlomo u Shai Fund, nqilın konvoy dımcadronutho noşoyto lu camo sniqoyo b’Holob. A falohe da şutosani’ste bu zabno dmatın l’Holob laqın b’haşo rabo uba shifotho da bote bkull duktho.

A şutose dkarixi dukotho frişe di mdito, mfaraqlın i mcadronutho dkıtwa acmaye u hawilın mamlo camu camo u şamici u haşo rabo dcayşi ba yawmothani dımhela i zalzale u garbay macırbo d’Suriya.

İ Mtakasto d’Şlomo wi Mtakasto du Slibo Suryoyo di Mcadronutho udu Quyomo, maltamlın a mcadronwothani leşan u snodo da farsufe dhzelın husrono mi zalzale rabtho dımhela Turkiya u Suriya. İ mcadronuthathe’ste, maltımo ba tahrazyotho dımtaybi bu froshezwo d’Suroyo TV.

Wu camaydan b’ido ftıhto mqadamle mcadronutho lu camo sniqoyo. Bi mdito d’Holob’ste kızoyıc u camo dımqarıw la bınyone dhzelın husrono, mi celtho du qento du shofathe.

Calathe u camo kıdomıx ba radoyotho ubı wahde dkıtne ftihe. İ mdito d’Holob, kmidoco hdo ma mdinotho catiqe d’Suriya u meqım mu kriz du athro-qentrun di tagorutho’wa. Elo bi zalzalathe dhawyo yawme d’Tre dşafıcina, axileu camo wi mdito dharbo hreto qşitho.