21/06/2021

A şutose d’MUB b’Swisra mtayabe yowmo laşan u duxrono du Sayfo da 1915

A şutose du mawtbo umthoyo d’Bethnahrin b’Swisra camu snodo du hudro Suroyo d’Azex mtayablın duxrono du Sayfo laşan u iqoro du yawmo şatonoyo dkıtyo 15 bu yarho d’hzirin.

Bu yawmano dsim bu hudro Suroyo d’Azax marduthoyo sim mamle me farsufe mşahılfe cali macne du duxronano du Sayfo.

U duxronano dımşarele b’qatinto d’Şetqo cali ruho da sohde du cameydan u mdabrono du duxrono Musa Konutgan mşarele u duxrono.

Abuna qaşişo Cercis barqaşo mqadamle mamlo cali macne du yawmano dkıtyo ulsoyo dmitathkri a sohde du Sayfo wu yamo d’15 hzirin ste dhowe yawmo idico bayn da yawme idice du cameydan.

Simona Qadoro qrela u buyono du mawtbo umthoyo d’Bethnahrın dıfrısle laşan u duxrono du Sayfo u dilonoyith dıg mahke cali ulsoyutho du yawmo şatonoyo dilonoyo du Sayfo 15 hzirin.

Cal ışme du huyodo da Neşe d’Bethnahrin Talita Bazo mqadamla mamlo cali macne du duxrono du Sayfo u hula i hzayto di athto bi sbuthathe.

Bıthır ma mamlani u rişono du hudro Suroyo Azax İbrahim Sagur mqadamle mamlo calu duxrono du Sayfo.

Bıthır mu mimro dımqadım mu taraf d’Samuel Mıqsi Alyas u rişono di karxutho dmeqım d’Omid Abdullah Demirbaş mqadamle mamlo calu Sayfo dhawi calu camo Suryoyo.

Bıthır mathe cal ışme da calawiye mqadım mamle dıksındi u ağuno da Suuryoye di mawdyonutho du Sayfo.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…