A tagılyotho b’Amerika zayidi bğalabe mdinotho

Bıthır mu mawto dıha farsufo komo dıkmıthım dıqtil ma pwelıs dkıtne hewore şğişi mdinotho ğalabe b’Amerika u camo mşarele dsoyım tagılyotho mqabıl dıkmisım furşono u hınste kımi a kome kmidoşi.

Hın ma mtagılyone dmatın lu qusro heworo u rişono Trump hule maqırhonutho dıthımle u Zawco dkıtyo ışme Antifa dkıtyo bıthre da tagılyothani.

Bu maktabzabno modern d’Amerika qulnaqa inaqa dkowe sbutho bayn la kome u la hewore kowe hfuxye dkımşarın tagılyotho wu camo kmahwe u hfuxyeyde dıkmisım dişutho cala kome dıkmıhşowi u camo şerşoyo Amerikoyo.

Bıthır mu mawto Georg Floyd bıthır mıdmsik ma pwelıs u camo naqqa hreto kfix la şuqone laşan mahwe u hfuxyathe mqabıl du mawtano dıktıhmi a pwelıs hewore dıqtilin u farsufano.

Bhaq di sbutahthe u rişono d’Amerika sımle maqırhonwotho mşahılfe mqabıl da mtagılyone dı krıhle a tagılyotho, u be bzabno mzaharle u zawco semoloyo ANTİFA u mırle gıdmahtina u zawcano bi luhitho di marıhbonutho metul dhınene bıthre da tagılyothani.

Hul lu zabno dkımtaybiwena a tebe ste kothweo tebe bhın mdinotho a mtagılyone kımdawmi dmahwın u hfuxyathe mqabıl du mede dhawi.