A tagliyotho qaşın b’İsroyel

TEL AVİV – Hani 10 şabe bıthre dıhdode, kımdawmi a İsarloye dmahwın u hfuxyathe mqabıl di şultonutho udu renyo dımqadamla leşan dmişahlıfi a qonune du athro. Athmıl’ste sim şişaltho d’tagliyotho b’dukotho frişe d’İsroyel u hadır’ste hol 200 alfo bnaynoşo lu protesto dsim b’Tel Aviv. 

U renyano leşan u şuhlofo du sistem di kinutho d’İsroyel, mqadım bıthır mıd Netanyahu mşakewole şultonutho bu yarho d’Konun u qamoyo dşafıcina bu snodo da gabe yawminye tuhmonoye qaşye. U ruğzano mqabıl Netanyahu udi şultonuthayde qaşi ğalabe ba zabne haroyani, u lıkmahwe dgınoqıs.  

En dothe u renyo du şuhlofo du qonunoano dmi’ayıd, gıdqathle u parlamento haylo dmaqım fusqone du bethdino celoyo du athro. Wu camo kımawdıc, en dothe dmitaqbıl u reformano, u sistem di kinutho gıdımvayıc i şaryuthayde i folitiqoyto ubu dumyano, kito qento du rejim dkıtyo autoriter dmoyıd dukthe di demoqratoyutho b’İsroyel.   

Amerika, Emwotho Mhaydotho u Huyodo d’Urifi’ste grışlın u zuhoro di şultonutho bi sbuthathe u tlıblın mena dmaklıyo ucdo u plan du reformano.