A tlotho hadome du parlamento di marcitho d’Victoria b’Australia, mawdelın bu qtolğenso dan 1915

Bu şuroyo di şabthathe, mawdewola hdo ma karxwotho d’Sidney bu qtolğenso dan 1915. Athmıl’ste, frısle u federasyon da Pontusoye b’Australia maqırhonutho u mawdacle i fsihuthayde lu fusqono dmıdlın 3 qoyume du parlamento di marcitho d’Victoria dmawdın ruşmoyith bu qtolğenso mayiro dsımwo calan Armınoye, Suryoye (Oromoye-Kaldoye-Othuroye) u Yawnoye bu zabno di mamlaxtho dan Othuroye.

U federasyon da hudre da Pontusoye b’Australia, mqadamle a tahınyothayde a lebnoye lu qoyumo Chris Crewther, Ann-Marie Hermans ulu qoyumo Kim Wells dmahıtte klayto mqabıl du parlamento u dmawdelın bu qtolğenso dan 1915.

U federasyon mırle; A mamle dsımlın a qoyume, kımşakli klayto di kinutho, tethkar u mawdyonutho kamılto bi şrorutho du makthabzabno. Ahna xıd nubğe da dıbhe du qtolğensano, hani eşne yarixe kobina ağono leşan dhowe mawdyonutho ba hawbe barbroye dsimiwo calan abohothaydan. Adyawma fsihoye’na dıkhozine dşmic u qolaydan bu parlamento.

U federasyon mırle’ste; Bi marcitho d’Victoria kula, a hadomaydan kıfulhi dlo batlo leşan dımhafdina u cuhdono da dıbhe, dobina yulfono la çilat dothe u d’xulqina fhomo beyn da tawdiyotho. İ klaytathe da qoyume, lo belhude kımyaqro u cuhdono da Sohde, elo kım’akdo la çilat dothe’ste, dıklozım i şultonutho dmawdıyo bu makthabzabno da 3 camani.