29/04/2021

A Yudoye dıkhoyın b’Australia tlıbe dmitawde bu Sayfo da 1915

A Yudoye dıkhoyın b’Australia, sımlın qroyto li şultonutho d’İsroyel u d’Australia, dımhalxi bu darbo du rişono Amerikoyo Joe Biden dmawdele bu qtolğenso dan 1915.

Bi qroytathe dsımlın a Yudoye d’Australia mırlın; İsroyel u Australiaste klozım dmawdın ba qtolğense dsimi calan Armınoye, Suryoye-Othuroye u Yawnoye

Belhude 5 yawme bıthır mıd u rişono d’Amerika Joseph Biden mdele ışme bu makthabzabno d’Amerika cali mawdyonuthayde i ruşmoyto bu qtolğenso dan 1915, a rişone da Yudoye b’Australia tlıbbe da şultonwotho d’İsroyel u d’Australia’ste dmıjğoli i şrorutho u dmawdın da hawbani dsimiwola i mamlaxtho Cuthmanoyto, qtolğenso’we.

A Yudoye d’Australia dfsihi lu fusqonano du rişono Amerikoyo mırlın; Hano şuşoto ğalabe towo’yo elo camathe, klozım’ste i şultonutho d’İsroyel u d’Australia, dmawdın ba qtolğense dan Armınoye, da Suryoye Othuroye uda Yawnoye. A Yudoye, tlıbe’ste ma şutose u gabe da Yudoye d’Australia dmawdın ba qtolğense da 3 camani.

U qoyumo Yudoyo d’Berowra d’New South Wales-Julian Leeser dkıtwe ha ma qamoye dımdewole i rmoyto leşan i mawdyonutho bu qtolğenso mırle; Ono mu yawmo qamoyo kısonadno d’Australia dmawdıyo bu qtolğensano u lfuth u renyaydi, ğalabe ulsoyo’yo d’Amerika mhalaqla i dawsathe. Ono xıd Yudoyo b’Australia-laybi dmıftakarno du qtolğensano ğer mede’we-kito gelyunore u mşale nuxroye dhzewolın u mede dsımwo wu naqla hreto, kmibıc dmıknış u şwolano tahte di tırraha.

U qoyumo d’Macnamara Joe Burns mırle; Xıd Yudoyo-kıtlan mşalutho dsaymina i qroytathe di mawdyonutho bu qtolğensano dkıtwe u qamoyo du doro da 20-cal du qtolğensano mıdwole Hitler xıd mathlo lu Houcast dsımwole calu camaydan. Calathe komarno, u zabno di mawdyonutho bu qtolğensano ucdo’yo. U rişono du Federasyon da Zionist b’Australia Jeremy Leibler’ste mawdacle, d’Australia u İsroyel, klozım dımhalqi dawse bi sbuthathe, cal dkıtyo mşalutho du moral-xıd Yudoyo, klozım dmıjğolina i şrorutho da hawbani mtaybi calan Armınoye u Suryoye Othuroye u Yawnoye calu amro ruşmoyo da Cuthmanoye.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…