Abarmothoye u comure d’Honkong kfixi la Şuqone mqabıl di mdabronutho du Sin

A mtagilyone naqla hreto nahiti la zabuqone b’Hongkong leşan dsaymi protesto u qonuno dkobıc u Sin dmafıtle cal Hongkong.

 Bi mawdconutho dhuwole u mathlono di şultonutho du Sin b’Honkong, klozım dmıttawfıq calu qonuno du sutoro mqabıl da hayle qaşye dkıtne mqabıl di şultonutho.

 Bıthır mi mawdconuthathe a barmothoye u comure d’Honkong kfixi la şuqone laşan dmahwın u hfuxyathe mqabıl di sbuthathe, dkımtarjımila i şıltonutho du Sin khıbso i hirutho wi şaryutho d’Honkong. A mtagılyone dılwışlın fayne Caketat kome nahiti li şuqo d’Causeway d’Honkong laşan mahwın u hfuxyathe mqabıl du qonunano  dkıbco maydo i şıltonutho du Sin.

Amtagılyone mazıcqiwo klayu cam Honkong, mhareru Honkong , bu şıkılano mahwelın u hfuxyathe mqabıl di şıltonutho. Bu zabno da mtagılyone abici dsaymi malxo a pwelıs hajimi aclaye u abici maklıne u nafıq qale baynothaye.

Bıthır mathe Urifi u Amerika hulın maqırhowotho dmahwelın hfuxyo mqabıl du qonuno dkıbco mawfqo i şıltonutho du Sin. İ maqırhonutho d’Amerika hiwo mu taraf du waziro di baroyutho Mike Pompeo u d’Urifi hiwo mu taraf du mşalo di siyase du sutoro du mawtbo da esore baroye d’Urifi Josep Borell.

Bıthır ma maqırhonwothani Britania Kanada Australia hulın hfuxyo mqabıl du Sin calu darbo da wazıryotho di baroyuthathe da athrawothani. U qonunano u Sin naqla hreto abıcwo dmawfaqle bi şato da 2003 elo bıthır mıd hawiwo hfuxye qaşye dmatınwo l’qalat beyn da pwelıs ula mtagılyone maklewo.