Abdullah Öçalan mahnele u camo Kurdoyo bu cedo du Newroz udu Ramdan u mırle “bu cedo du Newroz u camaydan b’hamas rabo hule funoyo li qroytaydan laşan du şlomo udi demoqratoyutho”

TURKIYA – Athmıl casriye bi cohnutho du cedo du İftar du Ramadan, u ahuno d’Cabdalla Öçalan Muhammad Öçalan wu w’abro du ahunayde Cumer Öçalan camu qoyumo du gabo di şawyutho udi demoqratoyutho da came dı DEM parti u ferco d’Urhoy, sımlın socurutho lu hbuşyo dkıtyo bi gozarto d’İmrali b’Turkiya, laşan dloqın u rişono du gabo da Falohe d’Kurdistan di PKK Cabdalla Öçalan dkıtyo hbişoyo m’zabno d’26 ışne. 

Bıthır mi socuruthathe, Cumer Öçalan frısle i egartho hathto d’Cabdalla Öçalan bi dafayde du nawlo d’X u mırle “bu zabno dkowe ebe şuşote ulsoye b’Turkiya, bu madınho mescoyo ubıbritho, kfırsina i egartho d’Cabdalla Öçalan lu ray gawonoyo dıbritho”. 

Cumer Öçalan mawdacle di egartho d’Cabdalla Öçalan hatheyo “a’şlomaydi lu hamas rabo du camaydan dhule funoyo bu cedo du Newroz li qroyto dsımlan laşan du şlomo, udi demoqratoyutho du kenşo, udıhdınle i qroytathe. Naqla hreto kımhanenolxu bu cedo du Newroz udu Ramadan”. 

Bu hbuşyo di gozarto d’İmrali, Muhammad Öçalan u Cumer Öçalan hawilın lqoyto cam Cabdalla Öçalan dımdawamla zabno d’şuctho. 

Muhammad Öçalan dkıtyo u ahuno d’Cabdalla Öçalan, bu siqumo d’25 bu yarho d’Odor bi şato da 2021, hawiwole inaqla harayto dkulle esore bu talafon l’zabno d’arbac qatinotho camu ahunayde Cabdalla Öçalan dmıçğewole acme mu makıhtbo du mqimdino gawonoyo di mditho d’Urhoy.