Abdullah Öcalan sımle qroyto, dmışre u gerilla di PKK
Adyawma, yawmo rabo u ulsoyo’we lu camo Kurdoyo dıkhoye bu Madınho Mescoyo. Ba şoce dbıthır me falge d’yawmo, mawdıco i egartho dhuwle u rişonathe Abdullah Öcalan. İ maqırhonuthathe d’Öcalan qıryo lu tbocofroso mi taşdarto du gabo d’DEM, bıthır mu dcorayda me İmralı u sımle qroyto, dmışre u gerilla di PKK.
Bıthır mu dcorayda l’Stanbul, huwla i taşdarto d’DEM maqırhonutho lu tbocofroso u qrela i egartho dımşadrole u rişono Kurdoyo Abdullah Öcalan. Bi egarthathe i makthabzabnoyto, mıstaqbılo b’zuhoro bu tbocofroso Emwothoyo ubi qroytayde Öcalan tlıble mu gerilla di PKK, dtore mu zayno.
Awkith Öcalan tlıble mi mdabronutho di PKK dlaymo leşan dmışre u gerilla. Öcalan mırle; A ğrobe kulle, klozım dtorın mu zaynathe. U rişono Kurdoyo m’akadle cali ulsoyutho du iqoro da hiyowotho, du maftahfemo udu renyo hiro ucali sniqutho dkito lu terkiwo d’kenşo demoqratoyo, l’strukture folitiqoye u sosyo ekonomis bnişo dmişatıs haye mşawtıfe bu athro. Hathe kuthyo li mıcne, du qrobo beyn du gerilla udu gayso Turkoyo dıkmdawım hani zıttır me 40 eşne gıdmitakle bnişo dmitabde u maşıqlo da droşe du şlomo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
