Abuna Yusuf Akbulut hawi kohno li qritho d’Ciwardo

Abuna qaşişo Yusuf Akbulut dkıtyo idico me Omid, hawi kohno li qritho d’Ciwardo bıthır mıd trele mi cito d’Yoldath Aloho d’Omid.

Qaşişo Yusuf bi şabtho d’şaficina mqarawole la comure di qritho d’Ciwardo ubu zabno du qayto’ste maqrewole a socure dnahitiwo man athrawotho di golutho.

Abuna qaşişo Yususf Akbulut bıthır mıd nafıqwo mi cito d’Yoldath Aloho d’Omid a comure di qritho d’Ciwardo drışlın camhıdode dnuqli u qaşişo bi qritho bıthır me zabno yarixo dlatwolın kohno. Bıthır 30 eşne dlatwo kohno bi qritho d’Ciwardo ucdo a hudre wa şutose du quyomo di qritho kulle-bu athro ubi golutho, matın l’awyutho.

A Cıwarnoye mıttafqi dmahti kohno bi qritho leşan dımqadım teşmeşyotho tawditho la comure. Ubu şıkılano, mbayın ucdo qaşişo Yusuf Akbulut xıd kohno di qritho. İ cito d’Mor Hadbşabo dhawyo qalco lu huroro du cameydan bu maktbzabno, a Cıwardnoye’ste hani zabno kfulhi lu hethotho da citothathe.

Wu bebzabno a Cıwardnoye macmarlın bote, leşan u dcoro dhın ma yaqrotho d’Ciwardo. Hathe fsihutho rabthoyo la Cıiwardnoye u bebzabno la comure d’Turabdin d’naqla hreto i qritho d’Ciwardo dmatyo lha ma nişeyda dhowela kohno bi qritho.