Acitotho du cameydan bu Iraq maklelın a zuyohe u amunasabat dkito

Acitotho mşahılfotho du camaydan bi hiğmonutho d’Arbil, mbayanlın menyono dı tedbire, bnişo dmınfıq mqabıl du kewo du virus d’Corona.

 A’tedbirani midi bıthır mıdmawdıc dmayıth farsufo udımbarbız u kewo bu qlimo d’Kurdistan bu garbiyo du Iraq.

Bıthır mdımbarbız u virus d’Corona bu qlimo d’Kurdistan du Iraq, i şultonutho d’Arbil tlıbla ma masığde, ma citotho uma macıbde dımbayni tedbire mqabıl du kewano.

Callathe, arişone da citotho du camaydan dkıtne b’Arbil mtayablın lumıhreno knuşyo bu qentrun di marcitho di cito Kaldoyto b’Ankawa, u matın l’awyutho cal menyono d’fusqone bnişo dmınfıq mqabıl du kewo d’Corona.

A’fusqone dımbayni hanine:

Dmitaklın a’hfitwotho du yulfono Mşihoyo wa hfitwotho yulfonoye hrene da maşıqle mşahılfe da madraşyotho.

Dmitaqım u qerowo d’yawme d’huşabo dcasriye mu siqumo d’08 Odur du yarhano uhul cedono d’latyo mbayno.

Dmitaqım u zawho du darbo du slibo ba citotho d’Ankawa mu siqumo d’06 bu yarhano uhul cedono dlatyo idico.

Dmitaqimi a’buyoye mu siqumo d’06 bu yarhano uhul cedono dlatyo mbayno.

Udmitaqım u zawho di soğdutho bi cito d’Mor Eliya b’Ankawa m’athmıl dkıtwe hamşo bu yarhano uhul cedono dlatyo idico.

Camgabıdathe, anabohotho da citotho d’Arbil tlıblın ma mhaymne dmafiti a’tedbirani la haye, u maqımlın slawotho laşan dfayşi b’hulmono tobo.