Adarmone di Corona gıdmişare bu feroqathe bu qayto

Lfuth u tboco froso i şırke dımşarewola bu jerobo du darmono dımqabıl du kewo di Corona mawdacla bu zabno du qayto kibe mfarqo a darmone la osawotho u la cawode d’Bethkrihe bu darğo qamoyo. Bi mawdconutho dhula i şırke mırle bu darğo datre bi şato hatho kibe mifarqi a darmone dımqabıl di Corona l’kulnoşe.

Mu zabno dı nafıq u kewo di Corona kmibarbız tebe i mawdconwotho dıkmıcwıd cal dmiqafe darmone mhate du qudri calu kewano dhawi zoctho blebo da bnaynoşo.

Bu yarho dı fayıt u rişono d’Donald Trump mawdacwole dımşarelın bu nısyuno di mhato dımqafyola şırke Amerikoyto dkıtyo mqabıl du kewo di Corona.

Ucdo ba tebe dıfrisi ba mabuce rabe du tboco froso mawdaclın da mathlone di Şırke dımqafelın i mhato mawdaclın d’bu qaytano dotho kibe mişare bu mhoyo di mhato dımqabıl di Corona la osawotho u lu cawode da bethkrihe bu darğo qamoyo.

U bıthıır gıdmoyıd bayn 12 yarhe u hul 18 yarhe dıkımli afsose u mede dıklozım bıthır kibe mişare bamhatani dımqabıl di Corona camu camo kule dıklozamle.

Bu şıkılano kmahwe a şutose du hulmone wa şırak matın lı darğo dımqafelın u darmono du kewano dı cabır blebe du camo kewo qatolo.

Be bzabno kımdawmi a fulhone bı xasawır mşahılfe dmiqafe darmone lu kewano di Corona.