ADO sımle qroyto la şutose u tukose noşoye, la rişone d’athrawotho frişe dbritho, dhowın mcadrone lu camo sniqoyo d’Suriya u d’Turkiya

Bu buyono dfrısle ADO, mahkele cala tathire rabe dtrelın a zalzalat dımhewolın yawme d’Tre dşafıcina dukotho frişe d’Turkiya udu garbay macırbo d’Suriya u mqadamle a buyoayda la dıbhe kulle. ADO mawdacle, da hezwone dfrisi bu tbocofroso Emwothoyo, trelın britho bu şok calu husrono rabo dtrelın a zalzalat b’Suriya ubı Turkiya-hem bu mınyono da bnaynoşo dımvayaclın a hayathe u dımçarhi u hemste a husrone momunoye dhawın.

Bu buyonano ADO kımawdıc, di mdabronutho du tukoso Othuroyo, a hadome wa sanodayde kulle kıcayşi haşo rabo cali aykanoyutho d’İdlıb, Afrin, Holob, Latqiye u Tartous d’Suriya wu acmaye’ste, Cıntab, Omid, Kahramanmaraş, Kilis, Hatay, Adiyaman u Antaqya b’Turkiya. ADO wa noqufayde kımahwın i awyuthathe cama bnaynoşo kulle dım’athri ma zalzalatani-dilonoyith a tloye, a neşe wa sobe u tlıbe husoyo la mithe u hulmono tobo la mçarhe.

ADO sımle qroyto la şutose u tukose noşoye, la folitiqore u rişone d’athrawotho frişe dbritho-dlo fırşono d’renyo folitiqoyo, dhowın mcadrone lu camo sniqoyo d’Suriya u d’Turkiya kule-dilonoyith bu zabnano du sathwo udu qrobo. U şroyo rişoyo-u mamlo du şlomo’yo dkibe dımhafıd britho wa camayde mi marhıbonutho umu shofo. A hçome marhıbone kımkalfi a haye da tloye ubu mawto da nacime, a hulme da came b’britho kula, kıtaymi-hulmo şafyo du sutoro u d’haye m’amne.