Adyoma a 10 ışne di sohdutho d’Matay Rabo’yo

Adyoma u yawmo di sodutho da hısar ışne du hawro matay raboyo  dkıtwe ha ma mşale d’Şutose mşahılfe du mawtbo umthoyo d’Bethnahrin.

U cufoyo du sohdo dhawiwo tahrazto dımdawamwola yawmotho mşahılfe u dsımwo mamle cali sohdutheyde b’athrawotho mşahılfe fayışwo  u rımzo du fulhono du ağuno du huroro du cameydan.

Skandar Alptekin dkıtwe zamoro bıthır mıd mıştawtafwole lu ağuno da dowronoye xıd qadro Profesyonel laqiwo bu cameydan b’dukotho mşahılfe u bathrawotho mşahılfe dhoyewo u cameydan.

Bıthır mıd mıdle i mşalutho di qadrotiye dhule a hayeyde lu ağuno du cameyde mıdle mşalowotho mşahılfe xıd rişono d’ESU mşalo, d’Suroyo tv, u ba sicotho du mawtbo umthoyo d’Bethnahrin bıdarğe celoye.

Bi sohdutheyde meqım b’10 ışne xıd adyoma hawiwo geşro bayn l’Urifi u lu athro d’Bethnahrin bu cufoyeyde dsımwo bi qritho d’mawladwo eba kafro i tahtayto.

U qolano du cufoyo maşmacwo bkul dukotho dhoyewo u cameydan u athın a egrotho, a telefone me rişone mşahılfe u mu cameydan bi sagiyutho, bu şıklano u cameydan naqla hreto mahwele dıknofıq moro la sohdey