Adyoma u yawmo şatonoyo da 16 ışne d’Suroyo TV’yo

Adyawma u yawmo şatonoyo dan 16 eşne, dımşarewole u froshezwo d’Suroyo bu frosayde du jerobo, du test.

 Me 5 bu yarho d’Tamuz da 2004 uholucdo, u froshezwathxu Suroyo kımdawım dforasxu tahrazyotho mşahılfotho.

SuroyoTV dıbdewole dnofıq u logayde 4 bu yarho d’Tamuz bu satelit, bıthır yawmo; 5 b’Tamuz da 2004; mşarewole bu frosayde du test, du jerobo.U zabnano du jerobo du froseydan dkıtwe bu yawmo şoctho, mdawamwole hol 10 bu yarho da 10 da 2004 dsımwo ebe i Gala qadmoyto bı froso hayo.

U bıthır mu zabnawo, bdelan bu froso kyonoyo. U mu yawmawo u holucdo, u froshezwo ba tahrazyotho marduthoye, kenşoye, siyasi u tawdithoye dsımle, mnasele dmıştace dawro du tenhiro u dhowe fatoho qum du camaydan.

Dilonoyithste bu nqolo da tebe, da gedşe uda şuşote ulsoye dkowın bgawe du cameydan, yaste dkıtte asirutho camu cameydan; mahwele u dawro dkibe dmıştace leşan u camo Suryoyo-Othuroyo-Kaldoyo-Oromoyo dkıtyo mbarbızo bıbritho.

U froshezwo d’Suroyo, bu şfocayde lu sistem du IPTV bu yarho d’Konun u qamoyo da 2011, mhalaqle dawse ulsoyto lu şuşoto ulu şuhlofo gawonoyo dgısoyım bu frosayde.