04/03/2020

Afram İshaq mahkele u mawtbo du kanton di Qamışlo mışkıl tedbire gıdmoyıd mqabıl da yuqdone

U mawtbo du kanton di Qamışlo du qlimo di Gozarto d’Bethnahrin d’Suriya, mşarele dmoyıd tedbire meqım mu hsodo da narcotho di zaricutho.

Atedbirani mbayni bnişo dmisım u sutoro danarcotho ma yuqdone dhawınwo bu qayto dşaficina udhawınwo celtho l’husrone momunoye rabe bu qlimo di Gozarto.

U rişono zawgoyo du mawtbo du kanton di Qamışlo Afram İshaq bi maqırhonutho dhule lu tboco froso, mawdacle da şutose du mawtbo mbayanlın menyono dı tedbire meqım mu zabno du hsodo, bnişo dmisım u sutoro danarcotho di zaricutho ma yuqdone dhawınwo i şato dşaficina.

Bi maqırhonuthayde İshaq mırle “mşakelan sicotho di mdabronutho qşitho bi mditho di Qamışlo, uba qastrat u ba qıryawotho d’hedora. Kul sictho kmişaklo m’hamşo hadome dımnaqın mu mawtbo du kanton, mi sictho du momuno, ma haylawotho di mşaynutho gawoyto umi karxutho”.

İshaq mawdacleste da sicothani gıdmabdın afulhonaththe ba yawme dıbqamuthayna, u gıdmahti darmone cala tarafe da darbone gawonoye, bnişo dlıyoce u gelo dkibe d’yoqıd bu qayto. A’sicothani gıdfılhi bi methcadronutho da comure.

Be bzabno, İshaq mawdacle du mawtbo du kanton di Qamışlo ubi methcadronutho da karxıwotho, gdımfarqi pumpat da maye cala qastrat u qıryawotho, laşan dqıdri dmatfın i nuro.

Camgabıdathe, İshaq mawdacle du mawtbo du kanton di Qamışlo mnasewole dmamte radoyotho du tetfiyo di nuro mhın athrawotho, elo bi netiçe du ambargo dkito calu qlimo di Gozarto, u mawtbo lıqqadır dmamte a’radoyothani.

Bu qayto dşaficina bi netiçe da yuqdone rabe dhawınwo banarcotho di zaricutho du garbay madınho d’Suriya, 435 alfo u 500 donumat d’arcotho yaqdiwo, u 14 farsufe baynothaye mdinoye u fulhoye mvayacwolın ahayaththe bu zabno dkımnasanwo dmatfanwo i nuro.

A’yuqdonani dsimiwo bidactho, u nişaththe dmımhewo u momuno di mdabronutho yothoytowe.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…