Ahaylawotho di HPG qtilın 10 folhe Turkoye

Ahaylawotho du sutoro camoyo di HPG, bu cuqobo dsımlın bu tayman madınho dı Turkiya mfarqaclın radayto folhoyto da grube dilonoye du gayso dı Turkiya u qtilın 10 folhe dkıtwın b’gawa.

Bebzabno, ahaylawotho di HPG mawdaclın dıqtil tıre mharbone u tlotho noqufe dıthe bu hjomo oyaroyo dsımla Turkiya.

Ahaylawotho di HPG dkıtne u gefo folhoyo du gabo di PKK, bu buyono dıfrıslın athmıl lu tboco froso, mawdaclın dımcaqablın l’zabno afulhone dıksaymiwo agrube dilonoye du gayso Turkoyo bi fnitho d’Barwari dkıtyo masırto cam Siirt bu tayman madınho dı Turkiya.

Bıthır mu tıhqobano, ahaylawotho di HPG sımlın cuqobo dilonoyo bayn du wahdo d’Kato u Hişti bi fnitho d’Barwari. Bu cuqobano dsim 12 bu yarhano mfarqıc radayto folhoyto Turkoyto u qtili a’10 folhe dkıtwın b’gawa lfuth u buyono dıfrısle u qentrun du tboco froso di HPG.

Bu buyonano mawdıcste dıqtil tıre mharbone ma haylawotho di HPG bu hjomo oyaroyo dsımla Turkiya bi fnitho d’Maydan Jarraf dıknıflo ba turone d’Kabar bu qlimo d’Şırnaq.

Camgabıdathe, ahaylawotho di HPG mawdaclın dıqtil tlotho farsufe ma noqufaththe bu hjomo oyaroyo dsımla Turkiya 13 bu yarhano cali radaytathe bi qritho d’Rişanke bi hiğmonutho d’Nuhadra.