A’haylawotho di mşaynutho di mdabronutho yothoyto kmıski farsufe dkıbci saymi şğuşye u dıksaymiste goşuşutho

A’haylawotho di mşaynutho di mdabronutho yothoyto du garbyo du madınho d’Suriya hani zabno ksaymi cuqobe cal hın farsufe dkıbci saymi şğuşye u bebzabno dıksaymi goşuşutho mqabıl di mdabronutho yothoyto.

Ba cuqobe dsımwolın cali Derike msıkwolın zıttır me 40 farsufe baynothaye ha ma abne du cameydan dkıtyo Abdullahd Adam.

Bıthır ma cuqobe dsimi bi gozarto d’Bethnahrin msıkwo zıttır me 40 farsufe dıkmithomi ba fulhone di goşuşutho awkith kmalıtmi mawdconwotho cal mşale u fulhone di mdabronutho u knuqlilın la hayle dıksaymi hçome u dkıtne mqabıl di mdabronutho yothoyto du garbyo u du madınho d’Suriya xıd Turkiya u rejim d’Suriya u ğer.

Ba cuqobe dsımlın a haylawotho di mşaynutho bi mdito di Derike msıklın zıttır me 40 farsufe dıkmithomi bigoşuşutho u ğeyr fulhone dkobın husrono la haye da barmothoye  dıkhoyın  bi mdabronutho yothoyto.

Bayn da msikoyani kıtwo ha ma abne du cameydan dkıtyo bu ışmo Cabdıllahad Adam dkıtwe fqido cawodo dı dayira di zarocutho du taraf du rejim d’Suriya.

U farsufano bıthır mıd msik sim buqoro acme dmahwele dkıtwole fulhone dıkdobınwo husrono la haye du qlimo marfe u mzahır dlımdawım bu medano.

Bi sbuthathe idicoyo da athrawotho u şıltonwotho kule kıtlın mşalutho dmaydi u sutoro da barmothoyathe mawxaste a haylawotho di mşaynutho ksaymi a fulhone wa buqore dıklozım ba arcothathe.