Ahaylawotho dkıtne b’Libya kımdawmi ba taxtuşe mqabıl dıhdodhe

U qrobo d’Libya dhawi u wahdo da bazare d’ğalabe athrawotho atre hayle rabe dkıtne cali arco kımdawmi a taxtuşathe dımqabıl dıhdode.

Lfuth a tebe haroye a haylawotho di şıltonutho dkıtyo bi rişonutho d’Fayez Alsaraj abici dıfayti li mditho d’Sirte dkıtyo imditho du nafto elo laqın ba haylawotho d’Xalifa Xafter.

Uqrobano dkıtyo Turkiya cali arco xlıte ebe kımdawım bayn latre haylawotho dıkmısnodi me athrawotho mşahılfe xıd Turkiya, Amerika, Fransa, Rusya, Mısır  u ğer.

Lfuth a tebe haroye dkothın ahaylawotho d’Xalifa Xaftar shıflın 3 tankat da haylawotho di şıltonutho d’Alsaraj ba tayısyotho bu zabno dabici dcıbri li mditho d’Sirte dkıtyo hıdo ma mdinotho dkıtyo catırto bu nafto d’Libya.

A haylawotho d’Xaftar dıhzelın a radoyotho zaynoye di şıltonutho dkıbci fayti lu macıırbo di mditho d’Sirte marıslın aclaye soruhe ma tayısyotho, bu mhoyano u oyaroyo shıflın 3 tanqat u zayne hrene.

Ba tebe dıfrıswole u mabuco d’Royters mawdacwole di şıltonutho d’Alsaraj maxırwola haylawotho la thume di mditho d’Sirte.