Ahaylawotho du nimro kmıthomi bu fasad

Bıthır mu kriz dnafıq beyn d’Alasad u Maxluf, a grube mzayne dıkmısnodi mu İran, grışlın u zuhoro calu fasad dkito da mşale da haylawotho du Nimro dıkmrayşanlın rabhaylawotho Suhel Alhasan dkıtyo qariwo l’Rusya.

 Bu tebo dıfrıslın a haylawotho du sutoro athronoyo du rejim d’Suriya, mawdaclın dıha ma rişone da haylawotho du Nimro, hawi ucdo more d’milyare d’lirat bıthır mıd latwole meqım u timo di kıre dıhdo qelayto.

 I kampanya du lkoho mqabıl da hayle du Nimro hawyo ucdo qşeytır ma grube mzayne du rejim d’Suriya dkıtne noqufe lu İran. Ahayle du sutoro athronoyo du rejim frıslın taşroro bi dafathe du Facebook bu ışmo; U rişono d’grub ba hayle du Nimro. u mşalo du gnowo udu tenhibo da zuze ba nuqazyotho du duyoqo.

Bu taşrorano kmıgrış u zuhoro cal ha ma rişone da hayle du Nimro dışme Samer İsmacil, mşahlıf b’zabno d’2 eşne me farsufo dlatwole u timo di kıre d’qelayto l’farsufo hreno dkıtyo ucdo more d’milyare Lirat d’Suriya. Hawi’ste ucdo ha ma tagore rişoye dkulle du qrobo, ube bzabno hawi more d’şultonutho, zayne, arcotho u ksoyım tehdide.

Meqım bkmo yawme, i dafo da hayle du sutoro athronoyo u ferco d’Darımsuq, frıswolın taşroro cal Rami Altabıl dkıtyo masro ba hayle du Nimro u dımşahlıf ucdo l’tagoro du mazot du qrobo bıthır mıd kıtwe qaloco d’qamyon.

İ qale dkito ucdo beyn da hayle du sutoro athronoyo d’Suriya dıkmısnodi mu İran wa hayle du Nimro dkıtne qariwe l’Rusya, kmagılyo i mwatyutho dkito beyn d’Mosko u Tehran dıkmisım hboso acla leşan dgırşo a haylawothayda me Suriya.

Bebzabno, a hçomani dıkmisomi kmamtın lu bolo a tebe dfrıswola meqım Rusya cali mhilutho du rişathro d’Suriya Başar Alasad ucalu fasad dımbarbız bıgawe du rejim, ucala mkone dkito leşan dmınqolo Suriya l’maşıqlo folitiqoyo hatho.