17/04/2022

Alfayo d’neşe mıştawtaflın la tagliyotho b’Turkiya mqabil du sxoro du platform Kadın Cinayetlerini Durduracağız Platformu

Ban alfayo d’neşe, mıştawtaflın la tagliyotho dsimi b’mdinotho frişe d’Turkiya xıd hfuxyo mqabıl du plan du sxoro dha ma ğrobe rişoye dıkmhafıd a zedqe da neşe. Bi taglithathe i rişonitho du plattform; Ahna gıdmaklena u qatlo da Neşe, Fidan Ataselim mırla; Layto mkono dmitakle u ağonaydan. Ahna lıkobina aftho dmısxır u plattformaydan.

ANKARA/STANBUL – Athmıl ban alfayo dıbnaynoşo hadiriwo ba tagliyotho dsimi b’mdinotho frişe d’Turkiya; beynothaye Ankara u Stanbul, mqabıl du nesyuno du sxoro du Plattform d’ışme; Ahna gıdmaklena u qatlo da Neşe. Yawme d’Arbco dşafıcina u mqımdino d’Stanbul mqadamwole şkıwe bnişo dmısxır u plattmormano ma thome, dıkmaşe fulhone dkıtne mqabıl da qonune udu moral du athro.

Hdo ma celotho dıkmibıc dmısxır u plattformano da neşe’ste, a hfuxye wa sturye dıkmqadım kull zabno mqabıl di şultonutho du rişqutno Erdoğan’yo u dilonoyith mqabıl du fusqono du qroşo du athrayde mu qyomo d’Stanbul’we, dkıtyo qyomo dıkmhafıd cala zedqe da neşe, dıkhokım a hayobe u dıktolıb dmibayın qonune leşan u sutoro di athto.

U plattformano, kımalım tahwiyotho u kısoyım buhone calu mınyono da neşe dıkmıqtoli kull yarho ba bote ma gawrathe. U nişo da fulhonani’ste, dmitakle u cnufyano dıkmisım mqabıl da neşe’yo. Bu mamlo dsımla i rişonitho du plattform Fidan Ataselim bhdo ma tagliyothani mırla; Layto mkono dmitakle u ağonaydan. Ahna lıkobina aftho dmısxır u plattformaydan.

Ba tagliyothani u plattform dhadırle folitiqore me gabe saqıbloye frişe u yaqrotho da dıbhe maglele, dbelhude bi şato dşafıcina qtılwo 250 neşe wi sagiyoyuthathe’ste me hadome di iqartho’we. 217 neşe hrene heş lıkmidıc qay u aydarbo qtili. A mtagliyone mawdaclın; Lo a neşe hukmitu, elo a qatolathe! A neşani ağoniste’ne!