Almanya krıhla ahjome d’Turkiya cal Suriya dlatne qonunoye

Almanya mawdacla da cuqobe dsımla Turkiya calan arcotho d’Suriya, latne ruşmoye u qonunoye beyn Emwothoyith.

 Bu funoyo dhula i mşawronitho di wazirutho du qoyumo d’Almanya li rmoyto dımqadamla i qoyumto Helin Evrim mırla; Uhjomo d’Turkiya cala arcotho d’Suriya latte ruşmoyutho Emwothoyith.

Bi rmoyto dımqadamwola i qoyumto du gabo semoloyo d’Almanya Helin Ewrim mşayewola mınyo i klayto d’Almanya mqabıl da hcome dsımla Turkiya calu garbyo d’Suriya i wazirutho du quyomo d’Almanya hula funoyo bi sbuthathe.

Bu funoyo dhula i mşawronitho di wazirutho du quyomo Maria Flaşbarth mırla a cuqobe dsımla Turkiya calu garbyo d’Suriya latyo mede dkıtle ruşmoyutho baynothemwothnoyith. Layto mede dkımthabıth i ruşmoyutho da cuqobani lfuth a zedqe di kinutho dkito.

Be bzabno mawdacle dkıtlın tahrazto dı sındi a şutose di mdabronutho yothoyto du garbyo u madınho d’Suriya  bi sbuthathe du kewo di Corona. İ mcadronuthathe gıdmisomo calu darbo da şutose dkıtne bu qlimo.

Bhaq di maqırhonuthathe di şıltonutho d’Almanya i qoyumto du gabo semoloyo Helin mırla şuşoto tawoyo di şıltonutho d’Almanya b’qolo celoyo kmawdıco da cuqobe dsımla Turkiya cala arcotho di mdabronutho yothoyto du garbyo du madınho d’Suriya dılatne maqıble.