Almanya mawdacla dmaklela u zebono du zayno l’Turkiya

Almanya mawdacla dmaklela u zebono du zayno l’Turkiya.

Bi maqırhonutho dhule u waziro di baroyutho Hayko Maas mırle Turkiya hadımto du NATO’yo elo u qrobo bişo dı maşela b’Suriya laybe mıtcın mawxa ucdo layto zebono du zayno l’Turkiya.

Bıthır mi maqırhonutho dsımwola i rişathwazire d’Almanya Angela Markel mqabıl d’Turkiya dımzaharwola bi sbutho du kroxo dcalu nafto bu yamo mıscoyo athi, u tebo di maqırhonutho du waziro di baroyutho dmawdacle dmaklelın kul şıkıl d’zebono u zwono du zayno me Turkiya.

Bi maqırhonutho dhule Maas mırle star ma radoyotho du yamo lı kobina fsoso lu zebono d’zayno bıthır mocdo.

Calu şuwolo qay lıkmaklutu u zebono du zayno bnaqa hıdo l’Turkiya, mfanele mırle ucdo layto sbutho d’zebono d’zayno.

Bıthır mucdo Turkiya layba mqafyo zayne me Almanya, belhude makinat du yamo kibın maydi me sideyna.

U waziro di baroyutho d’Almanya Maas mırle: Turkiya hadımto du NATO’yo elo u qrobo dı maşela b’Suriya latyo qrobo dmitaqbıl, mawxa u zebono du zayno makle acla.

Maas mırle iklaytathe klayto mşawşatoyo dmahto mqabıl d’athro dkıtyo b’NATO.

İ maqırhonuthathe athyo bıthır mu zuhoro di rişathwazire d’Almanya Angela Markel.