Amarhıbone dı Dacş sıme hjomo calu hbuşyo b’Afganistan

A marıhbone dı Dacş du athro d’Afganistan sımlın hjomo cal ha hbuşyo bi bmidtho d’Jalalabad.

Bu hjomano dkomdawım kımi hın ma mabuce du tboco froso qtil zıttır me cısri farsufe u mjarıh zıttır me 50 hrene.

Bu hbuşyano dkıtwo 1500 hbişoye zıttır me 700 hbişoye mahzamlın inaqa dhawi u hjomo elo a mathlone di şıltonutho mawdaclın dımsıklın a hbişoye naqa hreto u mahtilin bu hbuşyo.

Bu hjomano dsımlın a marıhbone d’Dacş kıtwolın nişo dmarfın a hbişoye dhın mane dkıtne a noqufathe u hın mane mşale du gurub d’Dacşne.

Ba taxtuşe dınafıq bu hjomano qtil bu noquso 3 marıhbone dı Dcaş mawdaclın a mathlone di şıltonutho d’Afganistan u ma hbişoyeste qtil zıttır me 20 u 50’ste mjarhi.

Bi sbuthathe hın ma mabuce du tboco fros kmawdıci a taxtuşe kımdawmi bayn la marıhbone d’Dacş u la haylawotho di mşaynutho du athro u hın mabuceste mawdaclın da taxtuşe tayimi wa hbişoye madıcri lu hbuşyo wa marıhbone dı Dacş dsımlın u hjomo qtili.