Amatagılyone mtawaqe u bayto du rişwazire Fayez Alsarraj

Atagılyotho du protesto hani arbıco yawme kımdawmi mqabıl di şultonutho d’Alwifaq bi mditho dı Tarablos bu athro d’Libya.

Amtagılyone dkımtalbi dmınfıq mqabıl du fasad u dmicadlo i aykanoyutho di ciyeşe yawmonoyto, mtawaqlınste u bayto du rişwazire Fayez Alsarraj.

Ba vidyowiye dıkfırsilın ahfite dı Tarablos ba dafe du Facebook, kmahwe da tagılyotho du protesto hani arbıco yawme kımdawmi b’Tarablos mqabıl di şultonutho d’Alwifaq dıkmısnodo m’Turkiya udkımrayşanla Fayez Alsarraj.

Amtagılyone adyawmaste mtawaqlın u bayto du rişwazire Alsarraj dkıtyo bi şawtho d’Alnofalin bi mditho dı Tarablos, u ba slogane dmazcaqlın tlıblın dmitadre mi wolithayde, xıd hfuxyo mqabıl du fasad u di aykanoyutho haruto du momuno.

Amtagılyone mşayne dlayimi bu wahdo da sohde b’Tarablos, mazcaqlınste slogane mqabıl da jatawiye Suriye dıkmısnodi m’Turkiya, u tlıblın dmitahwelın ağre b’şawyutho xıdu mede dıkmitahwe la jatawiye dkothın me larwal d’Libya.

Ba kmo yawme dşaficina, i erişkoyto d’Libya dı Tarablos hawyo u wahdo l’tagılyotho du protesto mqabıl du qtoco da maye u du kahrobo u di aykanoyutho haruto di mşablonutho kenşoyto, u bebzabno mqabıl di bsirutho du nafto b’athro dkıtyo ğalabe catiro bu nafto.

U zawco du protesto dı Tarablos, athmıl hule li şultonutho d’Alwifaq muhle d’24 şoce laşan dmıstacfiyo mi wolithayda, u bebzabno u zawco saqıbloyo mzaharle dgıdmabde cısyono mdinoyo.

U zawcano dıtlıble mi şultonutho d’Alwifaq dmarfiyo a’hbişoye, mawdacleste di isticfayda iqoro lu camoyo.