27/01/2021

Amerika gdırşo ugroşo da haylawothayda mu Iraq u me Afğanistan

Amerika fsıqla dıdırşo me hatho u fusqono du groşo da haylawothayda mu athro du Iraq u d’Afğanistan.

 Lfuth i sferyawmo d’Wol Street Jornal, Amerika kıbco dımbayno u strateji folhoyo hatho dkıtla bu Iraq u b’Afğanistan.

 İ sferyawmo Amerikoyto d’Wol Street Jornal, bi mawdconutho dmatila adyawma mhın mabuce du Pentagon, maglela du waziro du sutoro Loyd Osten kobıc dıdorış mehatho u fusqono du groşo da haylawotho Amerikoye mu Iraq u m’Afğanistan, bnişo dmibayın u strateji hatho d’Amerika ba tre athrawothani bu haqlo folhoyo.

Lfuth i sferyawmo d’Wol Street Jornal, u fusqono dmıdwole u rişono dmeqım Donald Trump dmıgrış u b’surhobo 3 alfo folhe Amerikoye mu Iraq u m’Afağanistan, trele i mdabronutho hatho d’Waşington dmıftakro bu strateji folhoyo dkıtla ba tre athrawothani.

U malolo du waziro du sutoro d’Amerika John Kerbi bi maqırhonutho dhule l’Wol Street Jornal, mawdacle da mşale Amerikoye lımıdlın heş fusqono ruşmoyo dıdırşi m’hatho u menyono da haylawotho dkıtlın bu Iraq ub’Afğanistan, u mathkarleste dkul fusqono dgıdmimıd bi sbuthathe gıdmıdrış cama şultınwotho du Iraq ud’Afğanistan, elo u malolo John Kerbi lımbayanle u farsufo dgıdmoyıd calruhe i sbutho du droşo du menyono da haylawotho Amerikoye ba tre athrawothani.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…